陳霽平認為盛品儒各方面都很好，不過只認識四個月，要「再睇清 啲先」咁話。
是非男女
愛作戰 盛品儒 陳霽平
三十六歲的亞視執行董事盛品儒，早前跟比他大五年的陳霽平傳出姊弟戀，被拍到二人親密摸臀入場睇戲，事後女的趕住認，男的卻唔認。
戀情未搞清，上週六男方又斷正，被拍到夜會爆乳女郎，未做正印卻殺出小三，畢竟男未婚女未嫁，這場愛情心理戰，隨時都有變數。
講男
約陳霽平訪問，當然是因為近期她與盛品儒鬧得熱哄哄的緋聞，不旁敲側擊，跟盛品儒是什麼關係？「其實佢係我朋友，係好好 嘅朋友，但係有可能可以發展，但未正式發展。」二人認識四個月期間經常約會睇戲食飯，一提起約會，陳霽平立即露出甜笑，並大讚盛品儒細心，「佢每一次約我出街，都會諗去邊度食飯，睇乜 嘢戲，我唔使 plan任何 嘢，唔使用腦，佢都會安排得好好。」
訪問在上週六盛品儒被拍得於蘭桂坊醉攬爆乳女前進行，問到男方經常被拍得爛蒲爛玩，陳霽平說得輕鬆，「呢個我冇所謂，如果你真係鍾意蒲你繼續，我唔會介意，我覺得大家要覺得合拍先再進一步發展。」對男朋友則採取自由放任政策，「我係會俾晒 100%自由，佢 哋鍾意點都得，男女拍拖我覺得最緊要信任，你越管佢，佢就越覺得唔舒服，但當我知道你有日出軌，我會走，一定唔會有 second chance！」
三十六歲的盛品儒，自言求學時，老土又怕醜，估唔到現在成為盛女筍盤。
有傳盛品儒和陳霽平已拍拖四個月。（《蘋果日報》圖片）
與趙式言拍拖兩年，去年分手收場，但再見亦是朋友。
○五年，陳霽平與律師韓尚志傳緋聞，可惜都是冇米粥。
講女
被視為城中鑽石王老五的的盛品儒（ James），自言非鑽石，「我只是一名普通王老五，仲係單身，目前以工作為重。」一句單身，不費毛力將同陳霽平的緋聞推得一乾二淨。
對這位緋聞女友他又點睇？他說：「佢係非常好 嘅女仔，有學識又叻女，大家都係朋友，（有無發展機會？）將來 嘅 嘢真係唔知，（介唔介意對方大過你？）做朋友最重要係傾得埋。」
講到擇偶條件？ James不忘賣廣告的說：「最緊要有良心。（是否一個要求高的人？）有要求總好過無要求。」
自言宅男的 James透露，因為唔夠主動，廿五歲才有初戀，過去十年，拍過幾多次拖？他數數手指的說：「拍過五、六次左右，（仍未搵到結婚對象？）未，我好傳統結得婚，將來就唔希望有離婚或者婚外情，所以要搵到個適合先拍拖，希望四十歲前結婚。」
上任不久，盛品儒跟○四年亞姐冠軍呂晶晶傳緋聞。
上週六凌晨，盛品儒與女伴夜蒲，被女方打籮柚，一臉受落。（《蘋果日報》圖片）
四代富貴
上海出生的盛品儒，原名盛承灝，是家中的獨子，更是清末首富盛宣懷四子盛恩頤的後人，被指是富二代，他卻否認說：「首先我要聲明下，我唔係富二代，我只是盛家第四代，俗語有說富不過三代，我是第四代，應該係由頭 嚟過。」
雖然沒有家規家訓，不過家族顯赫，難免備受注視，「其實到第二、三代都比較自由，始終是書香世家，一定要練好毛筆字，不過我寫中文字都係唔靚。」
兩歲便來香港的他，中小學讀過華仁、培正和國際學校，高中才到加拿大升學，在加拿大維多利亞大學工商管理系畢業，九九年才回港。
返港後，在銀行和水泥物料公司做過打工仔，又幫過父親的房地產生意做投資項目，兩年前由堂兄王征委任，出任亞視執行董事，對他而言是一大挑戰，「希望將亞視定位成一間集新聞、財經、資訊為主的電視台，以良心為本，創意為先，亞洲 CNN為目標。」
盛品儒的家族有廿多房人，他跟堂兄王征最傾得埋。（《蘋果日報》圖片）
陳啟泰（右一）主持的《 What’ s噏》，邀請城中富二代上節目，包括李文斌（左二）和盛品儒。
四個媽咪
兩年前，盛品儒加入亞視出任執行董事，對自己工作評價，他說：「非常努力，但仍須努力。」
外形比林峯更 chok的他，近來經常見報，他說：「我以前好內向，個樣完全唔得，係典型宅男，自從做電視台後，工作上要高調，但我個人就唔喜歡出鏡見報，唔想同公司藝人爭飯食。」
由於父親長駐上海打理生意，他每隔兩、三個月便會返上海老家，而媽媽則留港打理家族開設的上海菜館留園和留園雅敘，他說：「放假我都會返鋪頭幫手，平日主要是媽咪同兩位阿姨打理。」說起家中女人多，他打趣說：「細個我好多人錫，除了阿媽仲有三個阿姨，加埋就好似四個阿媽，四個一齊催婚，都幾有壓力。」
完美男友
講到明男友偷食冇 take two，與拍拖兩年的前男友、趙世儀兒子、趙世曾姪兒趙式言分手，有冇機會翻撻？「將來 嘅 嘢我唔知，我 哋而家仲係好好 嘅朋友。」她說趙式言是完美，「佢係最 sweet！心地善良、錫屋企，又鍾意小朋友，錫晒我全家，如果我 daddy身體唔舒服，佢係醫生，可以即刻安排做檢查，佢會就晒你 100%，又聰明，佢絕對係完美丈夫或者男朋友。」講到咁完美，最後又是分手收場，陳霽平坦言有想過嫁給他，「有一個 moment我覺得『咦，我會幸福喎。』可能係 for someone else，但就未必係同我 perfect。」
六歲的陳霽平與姐姐及父親在家中鋼琴前合照。
雖然四十一歲，但陳霽平 keep得好，難怪她唔急拍拖、結婚。
second chance
陳霽平父母是台灣人，父親做染布生意，她在台灣出世後便舉家搬到香港，她有一兄一姐，一家五口長年分散各地，小學畢業後到美國升中，大學畢業於加拿大多倫多大學，之後回港於香港中文大學攻讀傳理系，又貪得意選港姐，由於懂得英語、國語、廣東話、法語及西班牙語，入行後她主要做主持、司儀的工作，怕悶的她又想嘗試拍劇，但自《金枝慾孽》的「寶嬋」一角後便無以為繼，離開 TVB，簽約王維基，「因為電視劇想有套代表作。」不過其實她最想可以自己監製一個電視節目，「我同 啲朋友有好多 ideas for一 啲電視節目，如果係有個 investor需要 content，我 哋可以 provide到，同埋睇吓對方有幾多 budget。」與其得個諗字，不如近水樓台，找盛品儒投資，如果你肯給他 second chance的話。
《金枝慾孽》一劇爆紅，連帶飾演如妃的宮女「寶嬋」（左）也備受注目。
過檔 CTI拍劇，即接到挑戰性角色，做一名懂手語的師奶仔。
撰文：羅婉玲、王健美
攝影：葉志明
服裝： Moschino
首飾： Skalli Paris
化妝：諺瞳小白@picturesquegate
髮型： Andy Wong@Chin. G
場地： ir1968
mailto:nextb@nextmedia.com
留言列表
{{ article.title }}
