林子善請 嚟心目中 嘅女神陳法蓉做嘉賓，一直企正門口位嘅唐詩詠就負責嗌人出門口影相。
同你吟一吟
林子善做老闆 唐詩詠三哥撈打雜
林子善同朋友合資七位數所開 嘅龍鳳冰室，上個禮拜六（八月二十五日）開業。榮升做老闆，林子善 call齊圈中好友撐場，包括三哥三嫂、馬國明、苟芸慧、陳法蓉等。
提到盤生意，由籌備到開鋪甚至計數，林子善話都係拍檔功勞，期望最快三個月至半年回本，平日自己只要有時間，一定會坐鎮冰室招呼客人。不過開幕當日，最忙嘅係唐詩詠，幫手鋪 枱布拜神，就連拜神用 嘅生果同衣紙，都由佢負責。《壹》仔忍唔住口問唐詩詠：「間鋪你有份？」佢即刻笑住擰頭話唔係再彈開。
唐詩詠客串做「伙記」外，等吉時拜神期間見差佬到，三哥即刻行出去幫手睇車，保證大家唔使食「豬肉乾」，至於近期負面新聞纏身 嘅苟芸慧，就企門口同附近班街坊合照，群星幫林老闆造勢，證明林子善人緣唔差。
鋪完紅 枱布，再搞埋拜神用 嘅生果同衣紙，唔知以為唐詩詠係老闆娘。
林子善親自擒高撕開紅紙，為冰室揭幕。
三哥一早到，見有警察抄牌趕車，佢自告奮勇行過對面馬路了解。
不斷有街坊埋去搵苟芸慧合照，可見唔理好醜，上封面有效。
全站熱搜
留言列表
{{ article.title }}
