翳焗天做戶外活動，鄺美雲、胡敏珊短褲短裙上陣，古巨基就戴住副超唔願除。
同你吟一吟
鄺美雲出腳撐陳總
落力翻新一台，頻頻有動作嘅陳志雲，上星期二（八月二十一日）又喺商台開壇。當日捧場客包括古巨基、吳綺莉、鄺美雲等。
美人俾面駕到，陳總同對方握手錫面熱情招呼。
晏晝流流熱辣辣喺戶外做活動，見人例牌珠光寶氣、打扮高貴嘅鄺美人，是日短褲上陣，見腳清涼嘅仲有著短老牛嘅吳綺莉同短褲仔曾華倩。
即係咁，八珍從來冇懷疑過陳總嘅號召力，之不過，個個禮拜有 party，迷雲黨都疲於奔命，陳總閣下碌爆卡欠落大筆人情債，真係有排還！ 
當日有份做義工嘅仲有吳綺莉、曾華倩，四條腿，兩黑兩白。
全站熱搜
留言列表
{{ article.title }}
