早前久美子專程由法國返回日本拍攝新一輯 MAQuillAGE秋冬季眼影廣告，雖然好耐冇對住鏡頭，但攝影師都大讚久美子，眼神好自然，而且識放電。
日面
廣告熱播 日本新潮語 中女＝美魔女
近兩年，日本掀起一片「美魔女」熱潮，所謂「美魔女」，其實指年過 35歲、但樣貌同身段都可以保養到同後生女一樣咁正的女性。
今年「美魔女」代表，一定是號稱「國民美少女」、今年已 38歲的後藤久美子，皮膚滑淨冇皺紋，難怪日本 Shiseido旗下的 MAQUillAGE，繼年頭春夏季搵 19歲新紮偶像武井咲示範春季新彩妝，秋冬新一季嘅生招牌就換咗久美子坐正。邊個話後生先無敵？
於 80年代末、 90年代初紅爆於日本藝能界的後藤久美子，自 95年與法國一級方程式賽車手阿里斯拍拖兼同居後便淡出藝能界，多年來甚少參與藝能活動，但樣貌同身形保養得好過好多後生女。久美子咁正，今年資生堂旗下的 MAQUillAGE化妝品即搵佢做生招牌，年頭先拍唇彩 CM，再添食做最新秋冬眼影廣告 model，最近廣告更於香港晚晚見街，谷到行。
38歲索爆
MAQuillAGE為擴大客路，今次起用 38歲嘅久美子做新眼影廣告代言人，希望久美子可以吸引更多比較成熟嘅事業型女性幫襯。
今年 MAQuillAGE春夏開季代言人原本係新紮偶像武井咲擔任，但新一輯秋冬廣告代言人變咗後藤久美子。美魔女當道。
15歲清純
浸浴保青春
搵久美子做生招牌，據知 MAQUillAGE方面覺得久美子形象正面，加上靚得嚟好健康，希望利用她來專攻比較成熟、事業女性客戶層。至於 38歲久美子樣貌同身材都 keep得咁好，秘訣除得閒陪老公跑步外，就算 𠵱家長居法國，每晚都要用溫水浸浴護膚，因浸浴可促進血液循環及新陳代謝，是抗衰老的最佳方法。
久美子與前法國一級方程式賽車手阿里斯一齊 17年，至今出席公開場合都拖到實，間中亦會齊齊扮靚幫雜誌影靚相，鬼咁恩愛。但久美子自爆自己係個惡媽咪，經常鬧仔，嚇到阿里斯都怕咗佢。網上圖片
久美子雖然同阿里斯生咗 3個細路，但久美子一直好少帶仔女出席公開場合非常低調。你睇佢個仔同阿里斯簡直係一模一樣，唔怪得老公錫到佢燶。網上圖片
雖淡出藝能界，但久美子偶爾亦會返日本幫《 FRAU》雜誌影靚相做封面，同 fans報告近況。
87年當紅時期嘅久美子，曾拍住日劇一姐中山美穗合演日劇《偶像媽咪》。
魔女有掂有唔掂
除咗久美子外，同佢差唔多年代嘅女優，好似山口智子、鈴木保奈美、中山美穗同菜菜子，都一樣 keep到有樣有身材，但當中有掂有唔掂。
山口智子 47歲 掂
86年入行嘅山口智子，自 95年嫁畀唐澤壽明後淡出藝能界，由於智子髮型同樣貌都有乜點變，一直都有廣告商請佢拍廣告，今年就拍咗電話公司「 docomo」廣告。 
鈴木保奈美 45歲 仆
現年 45歲嘅鈴木保奈美，係 90年代日劇天后，前年曾復出拍古裝劇《江∼公主們的戰國》，但未能掀起熱潮，近年亦沒有化妝品牌搵佢代言，呢個魔女唔多掂。 
中山美穗 42歲 掂
一直係日本人心目中女神嘅美穗，自 10年前下嫁作家 辻仁成後，曾定居法國，近年回流返日拍電影，因美穗靚樣同身段都 keep得好，所以年年都有廣告拍。 
松 嶋菜菜子 38歲 掂
已入行 20年嘅菜菜子，今年已經 38歲，雖然有網友彈佢老，但勝在演技好，尤其年頭主演嘅日劇《家政婦三田》，最高收視高達 40%，係近 10年最高收視日劇。 
留言列表
{{ article.title }}
