電視台大戰，身為無 綫一姐的佘詩曼成搶手貨，睇錢份上極有機會為 nowTV拍劇。
大碼頭
飛起王維基 佘詩曼投李澤楷反無綫
王維基早前突然向旗下的創藝經理人公司開刀炒掉三位高層，包括擁有佘詩曼、馬德鐘和廖碧兒經理人合約的劉傳弘，有傳是因為劉傳弘游說佘詩曼及馬德鐘過檔失敗所致。
事出有因，據知正忙於在內地拍劇的阿佘，其實有意投靠李澤楷旗下的 nowTV，拍攝該台第一套電視劇，而 nowTV副總裁何麗全亦承認，有意找佘詩曼為開台首劇當女一，若然成事，阿佘將同無 綫打對台。
雖然佘詩曼與無 綫仍有一年多合約，但近月來已主力在內地拍劇搵真銀，連早前盛傳會為《金枝慾孽 2》客串造勢，她亦正式辭演。
早前金牌監製劉家豪（左）同梅小青（中）正式加盟李澤楷旗下的 nowTV，將在下年初開拍電視劇，副總裁何麗全（右）揚言只 着眼於內地市場，無放 TVB在眼內。
李澤楷
新劇兩小生配佘
nowTV請得兩大監製劉家豪和梅小青主攻劇集，但據知未能搶走無 綫有實力的幕後班底及演員，而新劇屬意佘詩曼做女一外，男主角有傳是馬浚偉及王喜，尤其馬浚偉拍內地劇經驗豐富，由他拍阿佘應有相當睇頭。
馬浚偉公司發言人本週一回應：「好多台搵過我傾，暫時未有嘢可公布，我同小青姐同家豪哥以往合作愉快，係好朋友，日後想合作嘅女藝人有佘詩曼、鍾嘉欣、楊怡、法拉都有興趣。」而剛為 CTI拍完特備節目《追風》的王喜則說：「已留咗出年年初 2個半月嘅期畀 now，邊個係女主角我就未知。」
馬浚偉
《忽然 1周》圖片
王喜
《蘋果日報》圖片
走精面埋 now
而未有電視牌照仍密密拍劇的 CTI，當然想招攬阿佘過檔，不過知情人士透露，阿佘其實已對香港市場冇興趣。「大陸咁好撈，阿佘覺得 CTI連牌都未有好難打響內地市場，所以推 咗王維基囉。同時間 now嘅何麗全亦搵阿佘擔正佢 哋第一套電視劇女主角，而且 now同湖南衞視咁 friend， 啲劇幾乎可以 喺全內地播，呢點最吸引到阿佘，用呢種形式等同接內地劇，阿佘亦唔怕違反 TVB合約嘛！」
早前金牌監製劉家豪及梅小青過檔 nowTV，揚言已 着手寫劇本及籌備工作，明年初為 nowTV開拍劇集。對於佘詩曼有機會擔正第一套劇集的女主角，梅小青回應：「唔排除呢個可能性，只要有實力 嘅演員都想佢加入。」由 TVB跳槽去 now一年的副總裁何麗全亦直認兼寸舊公司：「係，我 哋想搵佘詩曼拍劇，現階段仲傾緊；我 哋同湖南衞視 嘅關係，劇集可以 喺內地主要城市內播，亦可以 喺香港播，所以唔係要同無 綫鬥，根本都唔同級數，我 哋放眼內地市場。」
佘詩曼正在橫店拍攝《嫁入豪門》，講大家庭爭產恩恩怨怨，好有《溏心風暴》 feel！
忙於內地拍劇，阿佘已甚少在港露面，最後為無 綫宣傳已是同陳豪一齊出席《 4 in Love》的宣傳活動。《蘋果日報》圖片
身處內地唔只搵到錢，佘詩曼更不愁寂寞，早前經常同《建元風雲》拍檔胡軍撐 枱腳，又找陳浩民車出車入，多仔陪。《壹週刊》圖片
nowTV有專播大陸製作的芒果台、海潤台，同內地湖南衞視關係密切，今年 2月已在博覽館合作搞過大型音樂會，謝安琪、李克勤、關淑怡等歌星都參與演出，何麗全更邀請湖南衞視各高層來港切燒豬。
王維基：唔阻人發達
免費電視牌照未批出，但王維基旗下的 CTI已連開 5齣劇集，可惜一直想羅致 TVB一線藝員的好夢卻未能成真，目前加盟的林嘉華、唐寧等人氣始終較弱，廖碧兒、張可頤亦傳有意離巢，如今王維基最想收歸旗下的馬德鐘和佘詩曼亦已請食檸檬，但王維基依然大口氣：「我 哋係劇照拍、人照簽！佢 哋（馬、佘）一向有意願內地發展，唔能夠阻人發達。」
CTI出錢出力仍難撬走無 綫一線藝人，惟有向電影圈埋手，新劇《警界線》就有周浚偉同攞過金像獎的廖啟智幫拖。
冇大牌
張可頤冇聲氣
馬德鐘傳回巢
廖碧兒拍完走
無綫冇計
留言列表
{{ article.title }}
