李璨琛同圈外女友 Pei拍拖 6年，一直唔怕肉痲喺人前晒恩愛，今年 11月 17日終於拉埋天窗， Pei正式做李師奶。
FBI
吼實劉華巨額人情 李璨琛 11.17結婚
前個禮拜深夜重播嘅《怒火街頭》啱啱播完，上個禮拜一《怒火街頭 2》即接住喺 9點半上，晚晚都見到李璨琛扮演嘅熱血社工阿釘點樣為民請命。
劇裏面見李璨琛對住 JJ賈曉晨飾演嘅心心想愛而不敢愛，真係睇到，不過現實中嘅琛仔梗係唔係宅男啦， FBI收到風，已經 36歲嘅李璨琛，將會同拍拖 6年嘅圈外女友 Pei拉埋天窗，婚期已定咗喺 11月 17日，預算用 50萬搞婚禮，可惜現時為止仲未搵到適合嘅婚宴場地，令琛仔好頭痛。
11月話咁快就到，琛仔同未婚妻 𠵱家已着手搞緊賓客名單，聽講佢一定會派帖畀劉德華去飲佢餐喜酒，原因係 15年前琛仔所拍嘅處女電影《香港製造》係由劉華投資同監製，所以佢當咗劉華係佢嘅恩師，再加上劉華出名大手筆，有佢筆「人情」，肯定對李氏夫婦嘅婚禮幫補唔少。
結婚咁大件事，李璨琛第 1個要請飲喜酒嘅人就係劉德華，話晒李璨琛 97年嘅處女作《香港製造》都係劉華揼錢拍，唔只係老闆，仲係恩人。
李璨琛拍住 Law霸鄭嘉穎主演嘅《怒火 2》撞正奧運，首週平均只收 28點，但係一班演員都約埋睇首播，加埋林子善，本身又係年尾同圈外女友結婚，寡佬穎要加油喇！
阿 Sam 8年前創立專賣潮衫嘅品牌 Subcrew，同唔少潮牌好似 Fingercroxx等玩 crossover，而佢本身係夜場 DJ，搵唔少錢。
全站熱搜
留言列表
{{ article.title }}
