前年朴有天憑《成均館緋聞》走紅電視界，今年拍住韓智敏拍《屋塔房王世子》，玩時空穿梭，收視大收，有天仲攞埋《百想藝術大賞》嘅「人氣男演員獎」紅上加紅。
韓面
緊接奧運《屋塔房王世子》穿越起義
等足 5個月，由 JYJ最紅主將朴有天孭飛的韓劇《屋塔房王世子》，將於 8月 13日登陸香港有線電視首播， fans睇完 12日的奧運閉幕，可以重回煲劇正軌。
《屋》劇主 sell JYJ主將朴有天個嘜頭已夠照，套劇講古代王世子跨越時空到現代的落難故事，當中夾集愛情元素，又玩時空穿越橋，難怪同期推出，少時萬人迷侑利擔正的《時尚王》都唔係佢對手。
《屋塔房王世子》 8月 13日起逢星期一至五晚上 10點半有線娛樂台播放
由韓國 SBS電視台製作的《屋塔房王世子》，劇中飾演朝鮮年代王世子的有天，為追查王妃的死因，意外穿越時光隧道，去到三百年後的廿一世紀，剛好跌落一幢大廈的天台屋，被韓智敏飾演的朴荷收留後， 2人展開一段隔世情緣。
愛妃浸死
劇集一開頭，有天因發現愛妃浸死於池塘裏，之後為追尋愛妃死因，意外進入時光隧道，跨越三百多年去到廿一世紀。
面撞玻璃
古代冇自動玻璃門，有次有天見到有個似足佢死鬼王妃嘅女仔出現，急忙中唔小心撞向自動玻璃門，撞到五官移位，誇張過卡通片。
見火歡呼
由古代嚟到現代，有天同班手下好似大鄉里咁，當韓智敏教佢哋開煤氣爐時，佢哋一見到個爐唔使燒柴都會着火，即驚訝到拍手歡呼。
鬥氣情緣
劇中，朴有天同韓智敏最初經常鬥氣，但呢對歡喜寃家亦因日對夜對產生愛意，仲搞到有天個心囉囉攣。
喪父照拍
粉絲偷拍
今年有天除受喪父之痛，更被粉絲激到心痛，最近韓國傳媒報道，原來一班激進的有天粉絲，一直於有天住所的停車場偷偷裝上監視器，對有天每日出入屋企的時間瞭如指掌，最離譜係班 fans仲將有天於寓所停車場拍下照片掟上網炫耀，有天唔驚就假啦！
粉絲監控
最近有天嘅狂迷，在有天寓所停車場用監視攝錄機偷拍嘅照片放上網炫耀。只見有天喺停車場都會望清楚有冇 fans跟蹤先放心返家，但估唔到原來一直被班狂迷偷拍。
金喜善又玩時空交錯
自《屋塔房王世子》掀起「時空穿梭」熱潮後，大把韓劇跟風，除早前 JYJ在中主演嘅《 Dr. Jin》外，最新一季由金喜善主演嘅《信義》亦食住個勢玩「時空交錯」橋。其實講到穿越，強國先係帶頭嗰個喎！
《信義》李民浩飾演嘅高麗武士同金喜善飾演嘅醫生，展開一場穿越時空嘅愛情故事，此劇將於 8月 13日於 SBS電視台首播。
留言列表
{{ article.title }}
