王心凌（左）喊住呼寃，我不是狐狸精，真正小三隋棠就話呢幾日睇到報導，睇到好多佢唔知嘅事實，感覺好似俾刀插入心。
人生如戲，當日憑電視劇《犀利人妻》榮登偶像劇一姐嘅隋棠，飾演老公偷食、被小三迫害嘅可憐師奶「謝安真」，估唔到現實生活中，隋棠同樣被拍拖8年嘅男友姚元浩傷害，背住佢偷食「甜心教主」王心凌。被指介入「隋姚戀」，王心凌委屈落淚，公開澄清冇做過第三者；至於隋棠，則聲淚俱下替姚元浩講好說話，祝福舊愛同王心凌有好結果。

 

連環爆料
今個月初，突然有讀者同傳媒報料，話自己親眼目睹王心凌夜訪姚元浩寓所，二人更响停車場擁抱拖手，幾日後，讀者再爆料，發現王心凌上載到facebook嘅一張朱古力甜品相片，用嚟盛載嘅花邊碟，曾經响隋棠嘅facebook出現過，估計花邊碟嘅物主，一定係姚元浩，換言之，王心凌的確上過姚元浩屋企，撐枱腳食甜品。雖然話人有相似，碟有相同，但隋棠終於開腔承認同姚元浩分手個半月，更語帶雙關話：「不管是誰（第三者），都幫我好好照顧他（姚元浩）吧！」一味齋噏冇相冇證據，但俾人話狐狸精嘅王心凌，決定開記者會自爆三角戀真相，雖然不設答問環節，但佢劈頭第一句說話係：「我不是第三者！」

有心隱瞞
王心凌承認去年5月知道姚元浩回復單身，於是同對方交往，但拍拖唔夠4個月，男方同隋棠復合，王心凌要睇到傳媒報導先知，姚元浩齊人計劃失敗，佢嘅解釋係：「我放不下這個女生。」王心凌雖然傷心，但最終選擇退出。直至今年2月，姚、隋再度分手，姚元浩搵番王心凌，有指兩人隨即復合，換言之，隋棠先至係第三者。

 
正印變小三，隋棠更加傷透心，家陣同父母去日本旅行散心；至於王心凌，其實佢大可以繼續同姚元浩交往，但有傳佢哋已經分手，因為東窗事發至今，姚元浩一直龜縮杭州拍戲，只係發過一段簡短聲明，指自己處理感情失當，傷害咗兩個女人，雖然王心凌冇正面回應同姚元浩有冇分手，但有一句弦外之音：「希望未來男友是個有肩膀的人。」都係帶眼識人重要啲！

力壓Auntie Chiling　台灣新女神
由雜誌舉辦嘅一年一度「全球百大性感美女票選」終於有結果，去年踢走問鼎多屆冠軍盟主林志玲，成為「新宅男女神」嘅安心亞，34D奶全年無休，今年再以14萬5608票繼續坐穩No1，至於林志玲，舊年跌到落第五，今年終於爬番上三甲，以10萬945票屈居第三。冠軍季軍總算係意料之內，反而亞軍得主爆大冷，佢就係舊年嚟過香港參加動漫節，以cosplay造型扮漫畫主角「蛇姬」，而成為台灣網絡紅人嘅林采緹，得票12萬9665，安心亞其實贏得好險。


今年22歲嘅林采緹，澳門出身，識講廣東話，後來同屋企人移居台灣，原本只係一個普通模，因為扮「蛇姬」入型入格，加上33D夠晒搶眼，短短一年已經攻陷宅男界，就連日本都有報導佢扮「蛇姬」嘅消息，最近林采緹簽約日本唱片公司，今年會推出日文碟，家陣開始積極練歌練舞，睇嚟集中火力响日本發展嘅林志玲，又有新對手。


姓名：林采緹Sunny 出生日期：1990年7月22日身高 / 體重：168cm / 46kg 三圍：33D．23．35 ####

 


真假小三（台灣《蘋果日報》圖片）


墾丁衝浪其實王心凌同姚元浩撻着，早就有跡可尋，二人去年兩度被發現同遊墾丁，之後拍拖釣蝦，由於兩個以前係同學，於是以舊朋友敍舊，或者咁啱撞到為由，將緋聞推得一乾二淨。


拍拖釣蝦


「隋姚戀」拖拉8年，其間三離三合，有指隋棠性格大女人，同居期間試過趕姚元浩出街，男方身邊朋友對阿嫂亦有意見，恨不得兩個唔好再復合。


隋棠愛心西餐姚元浩未成為賤男之前，係圈中出名煮飯男，同隋棠同居期間經常親自下廚，之後同王心凌拍拖，又會煮朱古力甜品冧女，不過因為用埋同一款花邊碟，令齊人戀情曝光。


心凌歎甜品


來自澳門嘅林采緹，而家响台灣藝術大學讀緊戲劇系一年班，對於去日本發展充滿期待，仲話會以徐若瑄為目標，咦！即係當Auntie Chiling冇到啫！


No.1 27歲嘅安心亞，差啲輸俾林采緹，呢股後浪，真係唔講得笑。


No.2 人又靚又瘦，心口又有33D，睇嚟今年香港動漫節，如果林采緹再出現，香港班模可以行埋一邊。


靠cosplay成名，前者有瑤瑤郭書瑤同豆花妹蔡黃汝，但林采緹情況唔同，紅到日本嘅《東京體育報》（Tokyo Sports）都同佢做專訪，人氣大好多。


No.3 Auntie Chiling終於爬番上第三，但佢响日本剛剛起步，林采緹又話要攻日，就快38歲，唔怪之得俾人話佢為咗回春，打到塊面硬晒啦！

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄