怕戀情曝光，二人行ifc時不敢公然親暱，仲刻意行到保持距離。
娛圈盛女莊思敏（Jacquelin）去年跟吳浩康甩拖後，上月滿三十二歲的她，終於有着落，主動出擊，溝掂因陳山聰介入，被何超雲飛甩的皮草太子爺王大業。
至於日前飲大兩杯，被指隨街小便鬧爆司機的前度吳浩康（Deep）亦唔執輸，今年三月將33C飛彈模特兒Hazel據為己有，分手男女，各自精采。

特別啱睇
公開呼籲全港盛女唔好心急搵男友的莊思敏，原來一直叫身邊朋友介紹筍盤，去年跟李澤楷表弟林忠豪煲足幾個月無米粥，最近終於搵到目標。
今年二月，她應邀出席由何超雲舊愛王大業做搞手的皮草騷，見到有型有財，老豆有米但唔做二世祖日日返工的王大業，莊思敏即時食指大動，全晚表現風騷主動。
「其實有好多朋友介紹男仔俾Jacquelin，佢都好直接，如果想發展，會即時俾signal對方，好似嗰晚王大業搞皮草騷，佢哋兩個一識咗就好好傾；可能Jacquelin白白淨淨同面圓圓，款頭同超雲有啲似，所以對王大業嚟講特別啱睇，嗰晚有記者問Jacquelin對殺動物著皮草有咩睇法？王大業主動走出嚟幫佢解圍，之後兩個成日whatsapp，係人都知咩事。」知情者說。

連趕兩場
夜長夢多，兩人火速撻着。日前，揸住價值超過二百萬瑪莎拉蒂跑車的王大業，晚上七時左右，載住身穿白色透視恤衫現黑bra的莊思敏，到銅鑼灣名人飯堂撐枱腳，食唔夠兩粒鐘，又孖住趕到中環ifc睇電影《復仇者聯盟》。預先在網上訂了飛的王大業，到戲院後第一時間到售票機碌咭俾錢，但試了多次都失敗，身邊的莊思敏笑住接力試，同樣無反應，於是換另一部機再試，搞一輪終於攞到飛，但幾乎趕唔切睇開場。散場後，王大業再做司機，送莊思敏返貝沙灣屋企。前度溝掂筍盤，吳浩康亦唔執輸。經朋友介紹，今年三月，將模特兒Hazel Tong上手。

二月撻着

似唔晒
王大業的前度超雲，跟新女友莊思敏先後都試過將頭髮染成金白色。上月底，慶祝32歲生日的莊思敏將頭髮染成金白色，被取笑是白蝕頭；無獨有偶，一心要帶挈男友陳山聰搞fashion從商的超雲，早前又染了金白髮，兩女溝仔口味打扮口味相近，但講到財力，拿督女莊思敏同身家百億單位計的三房女比，則無法相提並論。

吳浩康吞33C彈模
上週四，吳浩康與模女友Hazel到赤柱行街。動作多多的他氹到女友鬼咁開心，將他攬到實。

肉緊咬膊
上週四（五月十日）下午三點半，超短褲背心晒33C飛彈的Hazel，跟阿Deep拍拖到赤柱happy hour。坐對正大街位置，完全唔擔心被經過途人眼望望。叫了啤酒，跟女友一隻雞翼兩份食的阿Deep，拖住對方隻手細聲講大聲笑，Hazel亦不時俾反應，作狀拍打男友。之後二人攬到實行到海邊長廊吹海風，hea到差不多五點，再到赤柱市場行一圈，其間Hazel忽然動口咬男友膊頭，相當肉緊。「其實Hazel公司唔鍾意，驚阿Deep影響佢事業，所以拍拖冇耐就嗌交講分手，不過好快又冇事，阿Deep好遷就Hazel，幾乎隨傳隨到，成日俾女友指去買外賣，班朋友都笑佢勁過『麥麥送』。不過，大家都唔係咁睇好，兩個都屬於火人，一嘈交就分手，分手又好番，如果掹唔番，就冇！」知情者說。

向家旗下
吳浩康新女友Hazel Tong（唐紫睿），現年25歲，屬向氏家族成員向展邦及向展威旗下的MSPY公司模特兒。八年前參加模特兒比賽入行的Hazel，雖然未獲任何名次，不過憑住身高5呎7吋，33C、25、35標青身形，好快被廣告商睇中正式入行。近期播出的Ferodo車油電視廣告，以及五月出街的安怡奶粉廣告，都由她代言，同時，亦有份在導演錢國偉的新片《喜愛夜蒲2》，演出一角。 ####

 


訂了飛睇戲，但王大業在出票機前擦咭多次才接收。
從背後發現，原來莊思敏當日對住男友玩透視誘惑。


日前，王大業帶拍拖不久的莊思敏到出名貴夾唔飽的《名人飯堂》撐枱腳，之後直落去ifc睇戲。


二月底莊思敏撐王大業場出席皮草騷，遭傳媒追問著皮草殺生問題，男方即時幫她解圍，令剛相識的他們互生好感。


曾經深愛超雲的王大業，最後因陳山聰介入而被飛，有傳他對這位情敵至今仍恨之入骨。


女友不單將他箍到實，開餐時仲餵佢食雞翼，服侍周到。


行緊赤柱大街，Hazel仲肉緊到咬阿Deep一口。


跟阿Deep拍拖的Hazel（右一），仍得公司老闆向展邦（左一）力捧。


arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄