靚人組　嫩版徐子淇大海撈針，好在都有件睇得上眼。呢位面尖尖，望落有啲似徐子淇嘅長髮參賽者，入圍應該冇難度。
今年香港小姐踏入40周年，大會口號係「令你大開眼界」，其實港姐唔係冇索女，只係年年豬扒特別多！美女難求，偏偏無綫堅持年年搞。星期一（五月十四日）開始首輪面試，一百六十三位想選港姐嘅「美女」分批殺入將軍澳電視城，一如以往，燕瘦環肥好醜高矮乜都有啲，的確，大開眼界。

短髮沈佳宜
《那些年》沈佳宜效應，令清純靚女成為市場搶手貨，呢位參賽者，雖然迎合到自以為係大笨蛋嘅男士口味，不過唔該改一改啲娘味先！

嬌小廖碧兒VS驚青黃德如
同廖碧兒個口一樣大嘅參賽者，質素已經叫做唔太差，至於另一位貌似昔日新聞之花黃德如嘅參賽者，自稱Sarah，面對鏡頭表現騰雞，相當緊張。

點解要嚟選？
雖然話，自信，係美嘅表現，但當自以為靚絕全球，總係會有反效果！

未入圍先走光
唔少女星喜歡自願走光，呢兩位參賽者，一個恤衫漏奶，一個上車走底，有晒入行初步資格！ ####

 


阿凡達？地球其實好危險，你都係返去潘朵拉星啦！


打到塊面咁硬，我諗起薛芷倫。


肥，可以減，醜，都或者可以執執佢，但小姐你背脊呢個鳳凰紋身……你估你嚟選古惑女咩！


關嘉美醫生（上圖）？兩個同樣嘴邊有粒墨，只係位置唔一樣。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄