無論出席大小活動，高海寧十居其九露肩露事業線，盡騷34D心口，少布冇問題，反而俾衫佢著，就出事。


先排無綫新劇《法網狙擊》响灣仔拍外景，劇情講高海寧孭住手袋同背囊喺條街係咁走，仲因為心急搞到仆落地。著住套裝裙高踭鞋埋位，一個普通跑街鏡頭，高海寧NG咗七次，跑到上氣唔接下氣，隔住張相，都feel到佢好辛苦。
上個禮拜四（五月十日），《法》劇開鏡拜神，因為演員多，要移師到露天停車場舉行，當日太陽勁猛，男主角謝天華著住西裝，賴死留响有冷氣嘅地方唔願行出去，至於楊怡陳敏之，直頭自備雨遮防曬，而乜都冇準備嘅高海寧，繼續西裝裙上陣，熱到成頭汗，豆咁大粒！
八珍贈你兩句：高海寧忌著衫，利少布。 ####


一身行政人員打扮嘅高海寧，包實34D心口跑街，前後NG七次，辛苦到要撐大鼻哥窿再擘大口透氣，如果戲服係泳衣，應該可以一take OK。


導演教佢用個袋護住膝頭哥仆落地，高海寧雖然冇傷，但前後仆咗四次，紅晒。


圖片絕無加工，怕熱高海寧，塊面一共有六粒汗，好得人驚。


著晒成套西裝，謝天華怕熱，唔肯行出露天停車場，要Benz雄扯住佢行出去。


熱到妝都融，楊怡同陳敏之一人一遮，個樣依然好苦。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄