原本同陳思齊（箭嘴）一齊行嘅唐詩詠，突然轉身衝返去架車度攞口罩。
執周麗淇二攤，接拍金牌監製李添勝退休劇《神探哥倫布》嘅唐詩詠，可以同視帝黎耀祥過招，又有點都唔願用楊怡嘅添哥睇起，簡直時來運到；點知壓力爆煲，搞到皮膚敏感又紅又腫，一度仲以為自己係紅斑狼瘡，嚇餐死！

 
早排《壹》仔中環行夜咇，見到唐詩詠同無綫友陳思齊泊低架車喺威靈頓街，再一齊落車買嘢，但行行吓，唐詩詠突然跑返轉頭，原來係要攞番個口罩嚟戴。跟住兩人入咗間酒鋪。嗱，買酒可以送禮可以自奉，不過，皮膚敏感就一定唔應該掂酒精。點都好，又唔係買丸仔，使乜戴罩！之前有晚《壹》仔都喺中環見到唐詩詠同朋友行街，同樣係零化妝，同樣係响威靈頓街行來行去，但就唔似得買酒咁，驚驚青青！ ####

 


喺酒鋪睇咗十五分鐘，終於決定買紅酒。


鍾意中環活動嘅唐詩詠，路經Covermark，即刻兩眼放光兼擘大口，使唔使？


巡完鋪，走前見到張駁睫毛嘅宣傳大相，睇多兩眼。


戴帽戴眼鏡，唐詩詠一滴妝都冇化。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄