我操到42吋胸㗎！（設計對白）
富家子劉定成涉用裸照刑事恐嚇及非禮男藝人一案，本週三（五月十六日）開審作出揭幕，案中被警方搜出超過六萬張猛男裸照中，除了包括大批現役警員外，還涉及數位男藝人Ａ、Ｂ、Ｃ在內。
據了解，劉定成的私相簿中，除了Ａ、Ｂ、Ｃ人物外，還另有多名健碩男藝人被指牽涉其中。有傳疑似人物包括羅仲謙、港男冠軍高鈞賢及袁偉豪，亦被捲入事件，三人更被指於去年中，曾應警方要求，到警署協助調查。
據稱當年有人甘願放下自尊，成為劉公子鏡頭下的男主角，純粹錢作怪，但勢估唔到這陳年「艷事」，愈鬧愈大。

 

無綫唔敢力捧
現年六十一歲的劉定成，有「劉公子」之稱，去年九月被控於○三、○五及○七年，先後在北角城市花園及跑馬地一單位，非禮三名男藝人及刑事恐嚇一名健身教練，案件於本週三（十六日）在區域法院審訊，事件中涉及四名受害人，有藝人A、B、C及健身教練D。據了解，法庭為保護受害人藝人A、B、C及健身教練D，已下令嚴禁傳媒向外披露受害人資料。「其實單案係喺○五至○八年發生，除咗嗰三個受害人A、B、C係藝人之外，仲有唔少健碩嘅男藝人牽涉在內，佢哋協助調查之後，都有自動向無綫高層備案，所以無綫都好有保留，擔心事件終有日會爆煲，即使佢哋條件幾好，都唔敢好出力捧。不過其中一個因為氹得掂個監製，所以近年只要對方開劇，都有佢份。」知情者透露。

有錢收即轉軚
○三年間，有人於青衣灝景灣會所泳池做兼職救生員，月薪幾千，生活拮据，有次認識泳客劉公子，並以錢作餌，有人因為手緊，接受對方提出影艷照要求。「劉公子話大隻仔未入行已經識佢，佢嗰陣仲係仔一個，好恨做明星，不過又冇路數，嗰陣劉公子搵佢搵得好密，又話可以介紹佢入行，大隻仔信晒，就算明知佢係基嘅，都唔介意成日同對方一齊，都係搏同佢熟啲，可以幫到自己入娛樂圈，之後仲認埋劉公子做契爺添！「劉公子之後叫佢去自己屋企，話有計帶佢入行，上到去，劉公子就提出影裸照要求，本來大隻仔都抗拒，但見劉公子拎咗嚿大約有六萬蚊嘅銀紙出嚟，話只要佢肯影幾張裸照做私人珍藏，啲錢就係佢嘅。見到嚿錢，大隻仔好快轉軚，諗都冇諗，就俾佢影。」

早有前科
劉定成十六年前曾涉警鴨醜聞，九五年的九月中，港島總警區特別職務人員在調查一宗色情案時，在劉的家中搜出一千多張猛男淫照。照片主角大部分是警員，也有消防員、海關人員及機場特警，淫照中，猛男們有些穿警服，下身穿內褲，亦有全裸上陣，而裸露的生殖器官均呈興奮狀態。該批照片下詳細寫明相中人的姓名、年齡、警員編號、身高及性器官勃起時的尺寸等資料。當年，有警員透露劉公子稱可以介紹富婆賺錢，其實只係影幾張裸照，不少人因爛賭欠債上當。當年警方高層懷疑有警員賣淫破壞警風，又向外承認曾出搜查令，並在劉公子所住的單位搜出一千多張警員裸照。其時，劉公子供稱裸照是他花了很多錢氹他們自願拍下，閒時會拎出來當閃卡般欣賞，用作私人珍藏，最後劉公子未被起訴。直到○八年，其中一名影裸照的涉案人報警，警方又再搜出他藏有六萬多張淫照，將相簿扣起，去年，劉公子要求警方歸還相簿，警方以涉非禮及刑事恐嚇罪控 告 他。

 
「影完裸照後不久，有人因偶然機會下加入電影公司，實現了明星夢，之後便跟契爺斬纜。近兩年，大隻仔開始有新聞有人氣，劉公子才再同身邊朋友講起大隻仔，仲話有時會拎番佢啲相出嚟回味添！」知情 者說。大隻仔外，還有兩名男藝人跟劉公子有交往，其中一個因爛賭欠下一身街數，聽聞對方可以幫他解決燃眉之急，於是搵人搭路結識劉公子，以影裸照為交換條件，借錢唔使還。「嗰個爛賭男藝人喺呢行做咗好多年都做唔起，為咗還債，佢問劉公子借咗八萬蚊應急，之後劉公子同佢講，只要肯影裸照就唔使佢還錢，佢就一口答應。上年呢個男藝人都仲係做緊大茄，今年稍為有啲起色，點知又爆呢單嘢出嚟，佢都好驚青。至於另外一個男藝人，係因為朋友而認識劉公子，聽講佢冇影相，不過佢有同劉公子班朋友玩，所以受牽連，都有協助調查。」知情者說。

契仔背景
今次風化事件中的次被告盧浩昕（Hanson），是劉公子的契仔，兩人相識多年。Hanson是甲一籃球隊新青聯前代表，直到○九年他加入樂壇，成為新男子組合4anda成員之一才退隊。Hanson涉及其中一項刑事恐嚇罪，涉於○八年八月威脅受害人會使他名譽受損，意圖令他受驚而被起訴。

個個貪慕虛榮
事件男主角劉公子，於去年十月保釋期間曾接受《蘋果日報》訪問，曾大方承認他是男同性戀者及分享他拍攝男性裸照時的嗜好，劉公子說：「佢哋貪錢囉，份人工有幾多呀？又要威又要賭，欠落卡數一大筆，要還㗎。」他又表示肯影裸照的人，不是負債纍纍就是發明星夢想入行的人。「我擺明車馬，要搵我幫就要俾少少誠意，要除晒俾我睇全相！一個肯買一個肯賣，佢哋都係成年人，俾我影相時為錢好搏㗎，要佢哋玩3P、4P都得，我只係睇佢哋表演，從來冇參與，點知佢哋有冇病㗎。我喺娛樂圈都算有啲名氣，佢哋班（藝）人咪又係經人介紹一個帶一個嚟搵我囉……娛樂圈個個都貪慕虛榮㗎啦！」

不會出庭作證
裸照醜聞只是序幕，有傳捲入此案的高鈞賢表示並不知情，亦毋需出庭作證，提到是否認識劉定成，他說：「可能係朋友啲朋友。」其後他再回覆記者：「我唔識喎，不過有好多咁嘅人approach我，我都知佢哋想點，我梗係唔會應承，更何況影相，有人話要介紹朋友俾我識，我而家都會叫埋經理人一齊去。」記者致電另一被指捲入此案的袁偉豪，他否認牽涉入內及認識劉定成，不過當記者問他去年中是否有 協助調查，他窒了一窒，思考了一陣才答：「唔……冇呀。」說罷匆匆 收線。至於羅仲謙，他的經理人回覆：「公司冇聽過呢件事，因為羅仲謙咩都會同公司匯報，佢連收工都會同我哋講聲，冇理由咁大件事唔講。」

同人搞公司
劉定成與一代賭王傅老榕的新抱合組公司，所以有說他是傅老榕新抱外家的親戚。據了解，劉定成現擁有跑馬地兩個單位，市值共約二千二百多萬元，另外名下有兩間公司，一間與傅老榕三子傅蔭興律師負責處理，另一間公司與兒科醫生劉定宇持有。 ####

 


話晒都係冠軍級數！（設計對白）
我哋有朵添！（設計對白）


○九年香港先生選舉，歷屆冠軍上台騷肌表演，第一屆冠軍高鈞賢（右三），以及第三屆冠軍袁偉豪（左一）依然狀態十足，keep住六嚿肌肉。


○五年，羅仲謙修讀演藝人協會舉辦的「第一屆演藝專業訓練課程」畢業，由導師羅冠蘭以及曾志偉頒發證書。


有指曾兼職做模特兒的盧昕傑跟陳嘉桓拍拖，其後遭陳的經理人公司反對，二人被迫分手。


次被告是樂壇組合4anda成員盧昕傑Hanson，亦是劉公子的契仔。


富商劉定成被控三項非禮罪，受害人均為男子。


95年劉定成已被指藏有千張警員裸照。


愈操愈大隻的羅仲謙，不單演出機會比以前多，更頻頻出席運動服活動搵真銀。


去年拍《飛虎》的袁偉豪，在沙灘沖身時健碩身材便吸引一些同性涉足「觀摩」。


有潛質的男藝員，無綫高層樂易玲都會力捧。其中黃宗澤是其中之一，拍劇擔正，又給他拍電影機會。


高鈞賢去年跟黃智雯合作，二人都扮演差人。


羅仲謙跟楊怡拍潘嘉德監製的《On Call 36小時》撻着後，出席宣傳活動時，二人多數拉着馬國明影合照。


將在六月出街的《飛虎》，羅仲謙（後排右二）及袁偉豪（後排右一）都有參與，加埋早前誤傳捲入風化案的梁烈唯（後排右三），及孭飛的馬德鐘，一劇男主角都有是非纏身。


羅仲謙初入行時身材無睇頭，至前年為求有出路，他努力操出筋肉人身材，助他成功入屋。


在無綫捱多年的袁偉豪，終憑剛播完的《結•分@謊情式》，與林峰堂妹林夏薇演一對，被外界留意。


高鈞賢雖是新劇《女警愛作戰》配角，但監製亦不浪費其好身形，加插一場落水救黃智雯的晒肌場口。



arrow
arrow
    文章標籤
    羅仲謙 袁偉豪 高鈞賢 捲入 猛男 艷照案 壹週刊 115 公子 受害人 hanson 警方 搜出 去年 被指 刑事 事件 其中
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄