上週四，周慧敏為澳門演唱會試衫，得廿三吋腰的她，毋需刻意keep fit。
開金口 ○九年攞正牌做倪太的周慧敏，去年開完兩場演唱會後，要休息一年，才答應再做巡迴。本週六（五月十九日），她以150萬身價，應邀到澳門威尼斯人開騷兼搞簽名會。不過要倪太再唱，必先得到老公倪震OK，否則有錢都冇得賺。

為歌迷破例
周慧敏婚後將大部分時間留給老公及照顧七隻愛貓，即使去年再復出在紅館開了兩場演唱會，但卻不願一氣呵成，開埋巡迴。「每次開騷，Vivian都會瘦到得番唔夠一百磅，點食都唔生肉，倪震怕老婆辛苦壓力大，唔贊成佢即刻又再做巡迴。」周慧敏身邊人說。即使今次的澳門演唱會，倪太亦多番say no！拉鋸半年，上個月才答應再唱。「全靠二月出咗隻live碟外間反應好，又有班死士係咁寫信叫Vivian再唱，有歌迷咁支持，佢好感動，仲肯喺concert之後做埋簽名會，以前佢一定唔答應，呢個改變，係因為佢好珍惜同歌迷見面機會。」

食極唔肥
由九七年淡出娛圈開始，周慧敏近年雖然顯得較活躍，繼去年推出EP碟《盆栽》，今年亦計劃再出新碟。不過，所有工作，得通過三個規條。
「一直都有好多人，提議唔同嘅合作形式俾我，最近係收緊新歌，依家做嘢，我第一係要歌迷開心，第二就一定要我husband阿Joe支持，第三係同我宗教無衝突。
「○六年做演唱會，壓力真係好大，舊年嗰次我已經開始識得enjoy喺台上嘅感覺，今次再唱，阿Joe都知我可以應付到，個人識得relax；加上我都好想考驗一下自己嘅精神質素，係咪可以去到咁。」周慧敏說。
為了應付演唱會，唔少人節食狂操，周慧敏卻得天獨厚，現時仍保持二十三吋腰的她，由九七年開始，每天必吃一條咖啡卷，油膩的煎釀三寶亦來者不拒。
「我唔需要食貴嘢先開心，只要每日有一條咖啡卷就得，瞓醒通常已經係下晝，六件可以連埋午餐，通常我一日只會食一餐正餐！」

加老公名
周慧敏投資鍾意唱反調，揸cash唔儲磚頭。97年淡出，她手上已有超過5,000萬現金及金山花園兩個單位；10年，她再以公司名義購入東涌藍天海岸別墅，之後還將老公倪震個名，加埋入公司，有錢撈亂使。周慧敏雖然甚少入市，但手上三項物業賬面增值超過一倍，大條道理揀嘢做，慢慢搣！ ####

 


歌衫唔算性感，大多都是露膊和露背。


每天練歌八小時，周慧敏說：「有次遲咗落樓，司機以為我練歌練到暈咗！」


澳門開騷前，周慧敏上月先和老公倪震到中東度假散心。


六套全新歌衫，造價以過十萬計，試完身跟住開會傾演唱會細節。


試衫當日，周慧敏還接受內地電視台訪問。


去年演唱會，周慧敏找來鄭秀文任嘉賓，大講當年往事。


食咗十五年咖啡卷都無轉口味，周慧敏做人做事，作風始終如一。


要照顧家中七隻貓，佔去周慧敏不少時間。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄