少女時代係SM Entertainment最賺錢女子組合，所以《I AM》自傳式紀錄片裏面，少時曝光鏡頭佔大部分。
Sunny娘爆
片中有不少巨星做練習生時嘅片段曝光。好似少時成員Sunny多年前面試時，仲係留長頭髮，衣着又樸素，好有表姐feel。
允兒冇整容
少時最受歡迎成員允兒，細細個已加入少時做練習生，當時瘦猛猛嘅允兒，同家個樣差唔多，證明佢真係冇整容。
孝淵敢言
最近出席《I AM》電影記招時，孝淵直言因花太多時間於練習上，曾經後悔入行。
喊住互勉
SM藝人出名捱得，戲中就有少時成員Jessica（左二）同泰妍（右）開完騷後，感動到喊住互勉嘅絕密片段播出，相信fans睇到都喊埋一份。
整蠱兄弟
SJ同師弟組合SHINee經常孖住一齊出埠演唱，搭飛機時，SJ銀赫瞓到隻豬咁，隊友東海就夾埋SHINee嘅?豪一齊整蠱佢，好鬼頑皮。
喊晒口
5人男團SHINee，一向形象陽光又健康，但背後曾傳出一直苦忍公司嘅地獄式訓練。片中SHINee主音鐘鉉一講到一直受歌迷愛戴時，即忍唔住喺鏡頭前喊到收唔到聲，真情流露。
SJ最玩得 台上表演落足力冇甩轆，但喺後台，一班成員就經常「玩互打」，雖然好無聊，但可以當減壓。
全站熱搜
留言列表
{{ article.title }}
