婚變大半年，栢芝專心湊仔及搵銀，少說話多做事，亦令霆鋒改觀心軟。

戲如人生、24小時on chok嘅謝霆鋒身上，真係乜都有可能發生。分分合合、神秘結婚、三年抱兩，失驚無神水溝油鬧離婚，下一步，咪復合囉！
本刊收到可靠消息，硬倔鬧走老公嘅栢芝終於開竅，寫足三頁道歉信認低威，再借四面佛做懺悔見證改過，成功氹得老公回頭，暫停二人離婚手續。
其實霆鋒同大多數男人一樣，都係受軟唔受硬！

 
離婚未夠一年，霆鋒同栢芝的復合傳聞又傳得㷫烚烚，一時話霆鋒登門過足四晚夜，一時四口之家大團圓出席大仔Lucas學校家長日。空穴來風，未必無因，據知情人士透露，兩個月前栢芝寫出一封終極懺悔信，成功得霆鋒回頭。

求情信恭候
三月初，霆鋒豪使二百五十萬，包機包島包食包住，請晒名下「PO」製作公司員工及家屬，豪遊馬來西亞小島。雖然前妻同兩個親生仔無份遊埠，神通廣大嘅栢芝卻一早掌握霆鋒行程。霆鋒大軍到埗當日，霆鋒出現在酒店櫃枱一刻，前妻道歉信已經恭候大駕由酒店職員親手遞上，據知三頁紙親筆信內，栢芝先緬懷二人情史，大打舊情牌提醒霆鋒一切得來不易；再認低威，不求霆鋒即時原諒，但求前夫畀一年時間機會見證自己改過決心；甚至表示早前親身在泰國四面佛前許下承諾，只要霆鋒肯回頭，保證不再重蹈覆轍放任衝動。

臨急抱佛腳
據知情人士透露，栢芝呢招臨急抱佛腳在霆鋒身上見功效。「阿仔（霆鋒）出晒名受軟不受硬，當初兩個拗撬，栢芝最衰就係搵班打手周圍數老公，先至搞到阿仔難落台、無彎轉咋嘛！其實阿仔同栢芝咁多年，栢芝從來都冇認過錯，今次竟然肯認晒低威，封信又喺一個咁perfect嘅場合、咁戲劇性出現，阿仔真係好受。今次旅行，謝賢同拉姑都同場，阿仔受完氹都有同兩老講，老人家就梗係唔想後生離婚啦，所以栢芝今次真係如願以償啦！」據悉，從馬來西亞回港至今兩個月，霆鋒栢芝暫停離婚手續，恢復邦交互傳短訊，亦不時舉行家庭聚會，氣氛和睦溫馨。復婚進展良好，難怪最近一次霆鋒接受訪問都不再口硬：「以前大家未成熟，或許將來大家都變得成熟，懂得怎樣相處，復合也不是完全沒可能的事。」連拉姑亦幫晒口想鋒芝復合，上週六對記者說：「站喺孫仔立場，父母一齊係應該。」

遲多2個月要離
本刊向黃國桐律師諮詢，原來雙方協議需時9個月完成離婚手續。鋒芝去年8月協議離婚，分手第7個月叫停玩復合，原來遲多兩個月就無彎轉！「夫妻二人共同申請離婚，要一齊入申請書，再附上誓章表明心甘情願兼且明白申請書內所有內容以及書面寫明子女撫養安排，離婚申請就進入法律程序。原則上由協議入紙計起，約六、七個月法庭會批出暫准離婚令，六個星期無人反對，再等多個幾月法庭就會正式頒布令宣布離婚，如夫妻期間叫停，係可以即刻停止法律程序㗎。」

停工箍煲
雖然復出以後套套戲仆直，屢次被封爛片之后兼票房毒藥，但栢芝在內地電影及廣告市場依然有價有市，一個廣告袋近5百萬，難怪復出未夠兩年，栢芝就宣布停工一年，專心湊仔及箍煲。 ####

 


小島收信感動今年三月，霆鋒請父母、婷婷及男友安志杰及百多名公司員工包島旅行，卻被栢芝預先安排求情信，成功箍煲。


復合有望的栢芝近日心情靚靚，不時上載溫馨與子同樂相片，展示自己溫柔慈母一面。


霆鋒事業有成，早前更應科大邀請主持創業講座，而霆鋒較早前接受訪問，亦一改往日口硬風格，[容表示不排除復合可能。


齊到家長會三月至今，鋒芝已恢復邦交，不時傳出霆鋒連晚過夜，四口之家更齊整出席Lucas學校家長會，亦因為兩個寶貝仔，霆鋒更加心軟，接受栢芝復合。


5分鐘直達栢芝與兩子搬入世紀大廈後，與霆鋒居所只有五分鐘車程，近水樓台更利復婚之路。


去年二人關係緊張，栢芝助手、好友連番放料數霆鋒，才令受軟唔受硬的霆鋒騎虎難下決意離婚。


黄國桐律師


雖然停止接新戲，栢芝新廣告卻接不停，最近就在內地再做電單車及化妝品代言人，收入合共千萬。


新片《影子愛人》5月上畫，栢芝近日勤力宣傳，工作態度都有改善。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄