JM狂打電話給舊男友李冠峰，成為他與Vilian分手的導火線。JM上週四（3日）出席活動時卻拒絕回應：「感情嘢唔講！」

三角錯 模Art Janice Man（文詠珊）早前跟有米男友李冠峰分手，舊愛旋即搭上Donut模成員劉瑋欣（Vilian）。以為情已逝，不過據知JM難捨7年情，分手後依然狂打電話相約舊愛，企圖重拾舊情，最終搞到Vilian失戀收場。死纏舊愛翻撻得米，輸家模Vilian回應本刊，不想再提多角戀，但就暗寸JM：「（我）不似得啲人回應得咁雀躍！」

 
23歲Janice Man與家住過千呎荃灣朗逸峰、有自家時裝店、出入揸靚車嘅有米男友李冠峰拍拖7年，早前因「雙方共識唔一致」而分手；李冠峰今年2月亦搭上模Vilian（劉瑋欣），而最近JM則被傳媒影到跟Moiselle太子爺陳柏熹約會，關係鬼咁亂。

隔空互窒
JM上月26日出席活動時，忽然高調向Vilian宣戰：「我同前度分手一直都有聯絡，佢（李冠峰）話冇拍拖……我哋都覺得有人想造新聞。」暗指Vilian借拍拖博出位。
其後本刊聯絡Vilian，她短訊回應時亦句句有骨：「對於一些流言非（蜚）語我不想回應，我冇興趣關心他們幾多角戀，這些無聊新聞我不想再回，不似得D人回應得甘（咁）雀躍。」反指JM多口。
有知情者則向本刊爆料，稱JM其實依然深愛前度李冠峰，明知對方跟模拍拖仍狂打電話給舊愛，相約外出企圖翻撻。知情者說：「Vilian專溝有錢仔係人都知，之前佢同波鞋街大王個仔Billy（彭俊珉）拍咗兩年拖，之後又同E cup超蓮（鍾采羲）爭秀身文化個高層，個男仔仲喺跑馬地租咗間房畀佢住添，家同李冠峰行埋，JM覺得個女仔只係為錢，一直都想搶番個男友返嚟！」知情者又說：「JM幾乎日日打電話約李冠峰出街，就算舊男友同Vilian行緊街，JM都唔肯收線，最近Vilian同阿峰仲散埋。」

分手之旅
Vilian於3月同李冠峰往日本旅遊時，在微博發表公主論：「別人欺負我時，你要在第一時間出來幫我；我開心時，你要陪我開心；我不開心時，你要哄我開心，夢裏你也要見到我。」但自分手後至今就沒有再更新微博。

超級港女
知情者又爆Vilian有嚴重公主病：「佢要男友全天候on call、又強迫男友揸車管接管送；食嘢要食唔油唔炸嘅，就算芝麻都話炸過唔肯食，人哋梗係頂佢唔順啦！」而Vilian的微博於3月20日上載了一段文字：「對我講的每一句話都要是真心……你要哄我開心，夢裏你也要見到我。」連發夢都要管，果然超級港女。上週四（3日）記者致電Vilian了解分手一事，她並無否認：「我唔回應，我想低調，感情事唔再講。」同日JM出席活動時，亦與Vilian劃清界線：「感情嘢唔講！」便匆匆離去。

兩女一男馬賽做小三
馬賽跟巨聲大孖周志文因拍新劇《名媛望族》而日久生情，點知大孖原來暗地收埋正印模CoCo（袁聖殷）7個月，馬賽做了小三都唔知，CoCo更踩上上海探班拖男友宣示主權：「冇見過馬賽，係咪選港姐時俾人叫爛面港姐嗰個？」

兩M爭峰
去年郭秀雲兒子龐錢景峰與「模媽」Mia分手不久，火速與Phoebe師妹Mika（蕭美卡）交往，雖然拍拖一個月就分手，但每次Mika提起Mia依然火爆，被問到會否看對方的寫真，Mika就話：「人哋送都唔要，對Mia冇興趣！」 ####

 


劉瑋欣（Vilian）被Janice Man暗寸借拍拖做宣傳，Vilian以短訊回應時亦反寸JM才是多口精。《蘋果日報》圖片


JM今年1月被指失戀後轉黐電影女副導，舊男友李冠峰當時回應：「唔會，佢咁多男仔追。」但稱2人並無再聯絡。


Janice Man上月26日暗指Vilian借拍拖博宣傳：「我同前度分手一直都有聯絡，佢（李冠峰）話冇拍拖……我哋都覺得有人想造新聞。」《蘋果日報》圖片


10年6月Vilian與波鞋大王大仔Billy高調拍拖，更被影到齊齊出入男方跑馬地5千萬豪宅。


去年4月JM與當時仍是男友的李冠峰遊銅鑼灣，叫男友落車買乳酪兼成杯獨吞，但事隔半年就分手。


上月周志文與馬賽一同在上海開工，CoCo即飛到上海，趁男友放假繑到實行街宣示主權。


馬賽同大孖周志文拍劇撻着，更被本刊影到收工後駕車接載大孖返清水灣半島香閨過夜。


Mika同龐錢景峰拍拖一個月，但仍然唔抵得Mia曾經係男方的舊女友。


Mia同龐錢景峰拍拖時，經常影親密照。《壹週刊》圖片

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄