碧咸嫂連衫都懶得換，著住去酒會的同一條裙，踩落中國會晚宴。

英國球星碧咸老婆Victoria比GaGa早三日抵港宣傳自家時裝品牌，她大玩性格，不但限制傳媒採訪，事事玩神秘保密，就連酒會都現身一分鐘即閃，難怪一班名媛阿太都懶得做陪襯，拒絕現身做人肉布景板。

囡囡扭計
上週三凌晨，首度來港的碧咸嫂乘私人飛機到港，帶埋愛女下榻四季酒店。翌日她接受大會指定的傳媒專訪，到下午四時便如女王出巡，在十多名保鑣和公關包圍下到連卡佛巡鋪十分鐘，連卡佛大陣仗到生意都唔做落閘，免她受騷擾。
到晚上七時，在鋪內舉行的酒會，未見城中名人捧場，有名媛坦言：「去酒會冇用㗎，根本唔會同Victoria影到相、傾到偈，仲有佢都係阿太嚟啫，我做乜要去襯佢？」姍姍來遲的碧咸嫂全程黑面，僅逗留一分鐘即鬆人，知情者話：「佢整頭搞咗一輪，落到連卡佛聽見話個女喺酒店房喊，於是求其影咗幾張相就返上去湊女。」原本Victoria話會再落番去酒會，最後無影，令一眾嘉賓相當冇癮。

騎呢飯局
酒會後，連卡佛於中國會設宴款待，被邀請的名媛阿太都藉辭推飯局，結果到場的賓客大多是模特兒，包括熊黛林、謝婷婷和周汶錡等，未有換衫的碧咸嫂只留低個多小時，十點半便走人。Victoria來港零Fans，設計的時裝又未能引起搶購熱，成個巴閉騷，真正有頭威無尾陣。


同日下午巡視她在連卡佛的專櫃時，碧咸嫂順便掃貨，試戴近萬元的Cecile頭箍（下圖），又全程刻意舉起手大晒約廿五卡的鑽戒。 ####


一班名媛都話唔恨見碧咸嫂，有份出席酒會的朱潔儀就仆去合照。


除工作外，Victoria未有外出，至上週四離港當日，她才去了中環玩具反斗城買禮物給女兒。



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄