兩人深情互望，陳豪忍唔住笑，都係關禮傑pro啲。

响新劇《金枝慾孽貳》中飾演崑曲大師嘅陳豪，拍劇拍到半條人命，仲要抽時間跟老師學崑曲。星期一（四月三十日）無綫安排傳媒探班，陳豪、關禮傑一個扮小生，一個做花旦，齊齊响傳媒面前展示成果。


由演藝學院崑京老師邢金沙做指導，現場所見，陳豪犯錯最多，尤其係眼神，經常唔合老師要求，同關禮傑深情互望，陳豪仲忍唔住笑。關禮傑唔係陳茵媺，仲有鬚根，投入唔到難免，但起碼陳豪著住三吋高武生靴，做手同動作都算應付得到。要扮崑曲王入型入格，陳豪真係練少一陣都唔得，好在監製戚其義搵咗幕後代唱，唔使佢哋大開金口。咁又係，家陣唔係拍《天與地》夾band唱《年少無知》，就算陳豪勉強唱到兩嘴，斷估關禮傑都冇本事唱到女人聲囉！


男人反串，靚極有限，雖然關禮傑未上妝，但要挑戰張國榮嘅《霸王別姬》，或者尊龍嘅《蝴蝶君》都相當有難度，但應該點都會索過黎明嘅《梅蘭芳》。 ####


著住三吋高靴，陳豪馬步雖穩，但做手同眼神經常唔達標，要身旁嘅邢老師指點。


記者要求合照，陳豪怕相片效果唔好，叫老師幫手教擺甫士，關禮傑個樣相當認真。


尊龍


黎明


張國榮

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄