余文樂扮女人橫掃樂壇

樂仔扮女人嚇喊馨平

楊千嬅和余文樂主演的彭浩翔新戲《春嬌與志明》上映至前日票房已衝破千萬，眾演員和老闆林建岳前晚到尖沙嘴出席慶功宴。途中播出戲中樂仔反串扮王馨平的《別問我是誰》MV，樂仔high爆說：「我諗如果呢個MV放喺卡拉OK播，我不費吹灰之力就會攞到女歌手獎同金曲獎，Eason（陳奕迅）都唔夠我嚟！」

彭浩翔（左）與樂仔搞笑為千嬅的BB胎教。

勁過露點
樂仔反串王馨平成為爆笑驚嚇位，千嬅笑說：「佢扮女人嘅威力等同女人露兩點，成個泰國MV咁。」有指樂仔反串竟似近日傳翻撻的前女友黃伊汶，千嬅認同說：「個鼻幾勾，幾似，不過我覺你靚啲。」樂仔曾被指為票房毒藥，現在會否覺吐氣揚眉？他說：「冇所謂，一時係毒藥，一時係仙丹，你睇吓佢食乜，食到個肚咁大。」千嬅反擊：「睬過你，我睇咗兩次，怕佢（指BB）出嚟識問候我。」樂仔笑言為千嬅BB胎教。
採訪：魯萍　攝影：葉君海

樂仔即場跟王馨平做出MV中的蝴蝶手動作。

余文樂嘲千嬅食錯藥大肚

與陳自瑤同樣將榮升「龍媽媽」的楊千嬅將於6月臨盆，前晚她出席公開活動時，正式宣布開始「產前閉關」！雖然她挺着巨肚，但依然與余文樂滿場飛，又全程以水代酒。雖然樂仔表面對大肚婆呵護備至，小心拖着千嬅以免有閃失，但卻狂窒千嬅肚子日益巨大是因吃錯藥。千嬅即笑罵：「有BB喺度梗係大啦！我啋過你！有啲咁癲嘅Uncle，我個B一出嚟就識問候我嘞！唔好學佢咁多，因住似怪獸。」

對於有指6月18日剖腹分娩，千嬅接受電話訪問時說：「預產期係6月中，一切都未決定，或者我可以順產呢，不過醫生話剖腹嘅機會比較大啲啫！」

千嬅以水代酒，跟阿樂（右）滿場飛High到爆。

千嬅落梯級時獲「左右護法」扶實，儼如王后擺駕！

千嬅產前最後一露

楊千嬅前晚挺着巨肚出席活動，她坦言這是產前最後一次公開活動。雖然挺着巨肚，但向來是大笑姑婆的她依然心情大靚兼滿場飛，更與余文樂說笑鬥嘴。席間，樂仔抵死的笑指千嬅的巨肚是因吃錯東西才愈來愈大，千嬅聞言反擊說：「有ＢＢ喺度梗係大啦，我啋過你，有啲咁癲嘅uncle，我個Ｂ一出嚟就識問候我嘞，唔好學佢咁多，因住似怪獸。」

楊千嬅