其實Chiling只係細藤原紀香3年，但响日本人眼中，Chiling外表只得十八廿二，所以能夠成功踢走藤原嬸嬸做明治代言人。

以37歲高齡姿態進軍日本嘅Chiling林志玲，雖然近排被懷疑打咗過量botox搞到塊面硬到唔識郁，不過日本仔一樣buy，佢仲成功踢走40歲藤原紀香，擔任明治膠原蛋白保健品最新代言人。


廣告中，Chiling以「娃娃音」日文清唱：「胺基膠原、胺基膠原，number one！」硬銷產品，廣告導演讚佢高音甜低音準，多次在台灣唱live走音嘅Chiling自己知自己事，响代言記者會上尷尬回應：「沒這回事！真是難為情。」我都戥你難為情。除咗廣告，Chiling已落實接拍中日合資電影《甜心巧克力》，稍後會到北海道以及上海取景拍攝，戲中Chiling要扮演20歲上海純情學生妹，冇辦法，日本仔一致認為佢外貌與年齡不符，遲吓扮埋未成年少女都唔出奇！


雖然同木村拓哉合作嘅日劇《月之戀人》收視仆直，不過Chiling憑電影《赤壁》成為日本人氣華人女星，除咗有４個廣告代言合約，剛剛亦演出完舞台劇，全日文對白，都難唔倒佢。


拍攝期間，Chiling一直扮可愛，講錯對白仲會擰轉面打牆，cute得你！ ####


OUT



arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄