仲笑，見晒牙肉啦！（設計對白）聽見古天樂話見到自己頭上有朵大花好開心，Joey笑到露大牙肉。

上星期三（三月二十八日），Bossini喺灣仔搞咗個二十五周年天橋show，拍緊杜琪峯新片《毒戰》嘅古天樂攝期撐場外，仲有容祖兒處女catwalk，好揼本。


長期霸住英皇一姐張櫈嘅容Joey，話自己初初出道都幫過呢個品牌做嘢，不過，當年佢係掹謝霆鋒車邊，菠蘿雞靠黐，仲話而家大個女，可以做亞洲區代言人。點止呀！咁多層樓揸手，又買埋鋪做包租婆添啦！不過仲係同霆鋒差啲，佢有樓有鋪仲做埋老闆，公司部署搞上市，下一步做CEO。哈，但你老闆讚你靚過王菲喎，賺晒啦！ ####


台下觀眾紛紛舉機，影低容Joey處女行show做model歷史一刻。


娜姐是夜封胸，唯有出動膊頭加腰再搭多對腳。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄