23/3油井當阿四雖然呂方至今仍不肯公開確認與MayMay的情侶關係，但上週五再被本刊發現女的陪他到澳門工作，回港時在信德中心停車場為他挽衫挽袋， 油井MayMay俾呂方當阿四咁使。

五十歲的呂方，08年遭照顧衣食住行十六年的女友鄭裕玲狠飛，四年來不斷努力發掘新油井，終在今年初掘到水源，與在內地坐平治住豪宅，一身名牌的有米女fans王劍群（MayMay）拍拖。但講到開油井技術，呂方原來不及女友。有指MayMay是失婚婦，有個十六歲女，十多年前靠大水喉脫貧，為保持優質生活，多年來，她的靠山一個緊接一個。拍拖超過三個月，過晒試用期，但呂方對眼前的油井MayMay過去一概懵然不知：「我唔知咁複雜！」係真懵，還是詐唔知呀！

選美釣金龜
今年元旦，呂方返廣州登台，跟捧場的內地有米fans，May May一撻即着，對方更火速人肉速遞來港慰仔，發展神速。不過，呂方至今仍不肯公開承認對方是女友，而在戀情曝光後，MayMay頻頻在微博改名，古典小曲、Uenmanman、璇子VSVS，經常換朵，以防複雜的背景被起底。紙包唔住火，本刊早前便收到告密信，大爆有米MayMay過去。今年約三十多歲的MayMay，十八歲參加廣東小姐選舉，被內定為三甲，她並如願以償釣得金龜，獲中港文具生產集團的陳姓富商睇中，即時私有化。「阿May內定係亞軍，不過佢俾富商睇中之後，即刻退選做少奶奶，聽講當時仲喺廣州嘅花園大酒店擺咗八十八圍，之後搬咗嚟香港，住喺何文田山，仲生咗個女，依家大約十六歲，阿May送咗個女去英國讀書。後來佢同個富商分咗手，但因為有個女，富商對佢仍照顧周到，兩母女住廣州祈福新村，又有天河區豪宅帝景園揸手，仲打本俾佢喺內地搞文具生意。」報料者爆。

有女十六歲
女友MayMay底細複雜，並育有一名十六歲女兒Kiko，現於英國留學。女兒長得不及母親May May索。呂方叔叔對住佢會否唱其金曲：「16、16，少女會轉變。」

晒倒奶
近日MayMay忽然在微博大晒一張34D倒奶噴血相出來，有米又有咁強勁身材，唔怪得呂方要mark實。

母女微博晒溫情
為人母的MayMay經常以baby 稱女兒Kiko，並在微博對她說掛念，催她快回內地共聚。

水源無間斷
呂方專向有米fans埋手，旗鼓相當的MayMay亦專以富商為目標。有指外表斯文的MayMay其實好吃得開，蒲得劈得，氹功更加有一手。甩咗香港富商後，她依然不愁水源。「幾年前佢又搭上個有勢力富豪，對方打本俾佢喺廣州開咗間夜場『Babyface』，所以佢黑白兩道都有關係，喺廣州有啲勢力。」財來自有方，但她即使與呂方拍拖，但同時仍有大水喉泵水射住，為免自斷財路，故二人一直不肯公開 關係。 MayMay冧佬有一手，但在呂方面前，她卻馴服如阿四。三月二十三日，本刊發現來港慰仔的MayMay，挽袋挽衫，如助手般對呂方貼貼服服。


今年初油井女友MayMay從內地來港，以一條超短裙為呂方五十歲生日賀壽，其間情到濃時二人手拖手外出之餘，慶祝完又齊齊返酒店過夜，情侶關係浮晒面。

母女窩
Kiko在微博放上內地家居照，其中客廳那張跟MayMay晒過的家居照一模一樣。據知就是兩母女所住的祈福新村寓所。

呂方龜縮
有關女友被踢爆靠男人致富，並已為人母的事，呂方竟然毫不知情，錯愕的說：「吓，我乜都唔知，無諗到有咁複雜！」但他隨即為自己補飛：「其實我交朋友唔會理對方底細，況且我同佢只係朋友階段，唔知都唔出奇，佢嘅嘢我唔會回應。」然後禮貌掛線。記者致電求證當事人，MayMay一度口窒窒要求記者不要報導她的過去，記者再三追問下，承認當年選美時認識陳姓富商。「我同陳生咩關係唔想講，總之我哋無一齊好耐。我好感激陳生咁照顧我同錫我，所以啲親戚咪以為我仲係佢另一半。」MayMay認被富商照顧，卻拒認親女。「個女唔係我生，係陳生前妻㗎！」對於隱瞞自己的往事，MayMay支吾以對：「咁……我同呂方只係觀察階段，未正式發展，所以佢唔知我嘅嘢唔出奇。」 ####


雖常被指食軟飯，但呂方仍有本事在每個靠山面前做大男人，07年他開個唱，Do Do便如新歡May May一樣，在他後面跟出跟入。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄