都叫你唔好成日充！（設計對白）

廖碧兒（Bernice）跟李澤楷表弟林忠豪分手，又離開無綫另簽新經理人公司，一切重新開始，但卻被指跟張可頤爭做一姐擘面，是非纏身。感情事業皆輸，廖碧兒近日更因情緒低落，以至內分泌失調，肥腫難分。至於前度林忠豪，去年揸住掛有T牌的麥拿崙跑車追求莊思敏，刻意招遙，還因連番違例濫用T牌駕駛，搞到釘牌。

 

一蹶不振
據了解，去年初腰骨有事，曾入院接受手術的廖碧兒，至今仍未完全康復，健康出問題，事業又處於樽頸位，引致情緒大起大落，影響內分泌失調，令本來已經好大隻的她，變得更加肥腫。日前，本刊記者發現廖碧兒由老豆做司機，揸車送她到中環開工。著住黑色乾濕褸，刻意遮掩脹爆身形，由經理人陪住，由威靈頓街行到擺花街一間首飾專門店影相，其間廖碧兒木無表情，就算影相都唔多笑。「Bernice條腰骨有事，已經有一段時間唔做得運動，做完手術後，又差不多成年唔可以做劇烈運動，所以愈來愈脹。身體有事已經夠煩，加上而家返內地拍劇唔係做女主角，啲戲份仲少到同大茄冇分別，鬱埋鬱埋，咪搞到內分泌失調，個人肥腫難分。Bernice份人鍾意撐，佢去王維基嗰邊開劇，都冇得坐正，反而黃日華個女第一次拍劇就擔正女主角，Bernice點會順氣；樣樣都唔老黎，情緒想好都難。」廖碧兒身邊人說。

兩衝隧道
廖碧兒打逆境波，至於有份落場，將拜金女真面目暴露人前的前度林忠豪，亦自身難保。喜歡充大頭鬼的林忠豪，去年十月大搖大擺揸住掛上T牌、全港第一部落地市值五百萬的麥拿崙跑車，接送莊思敏出席公開活動，刻意攞威。據知，「T12565」車牌是一間車行持有，車行朋友交由他托管，但林忠豪卻肆無忌憚掛住T牌連番闖禍。有指他於年初兩度駕住掛有該T牌的麥拿崙跑車衝隧道（無繳費），包括一次在凌晨五時衝東區海底隧道。「T牌一般係俾人出街試車用，佢凌晨時分仲喺條街，又要衝埋隧道，想唔俾人釘死都難啦。」知情者說。

警員查牌
今個農曆新年期間，林忠豪又半夜三更揸住T牌跑車，踏行油剷入維園附近一個油站，當時正好有一架警車泊在油站，警員即時查牌。「揸T牌車係要帶埋張紅紙（試牌使用紀錄表）出街，但林忠豪又無，加埋之前衝隧道單case，法庭之後判佢濫用及不恰當使用T牌，個車行T牌亦被吊銷，林忠豪真係累人累物。」泊在林忠豪淺水灣獨立屋寓所外的麥拿崙跑車，T牌唔見咗，亦無掛上新車牌。「佢架車花三百萬買，出牌要俾百分之一百一十五嘅稅，即係要俾超過五百萬，林忠豪口爽荷包，邊捨得，如果唔係，之前佢都唔使走法律罅，成日套個T牌上去遊街啦！」知情者說。 ####

 
你夠扮花姨出事啦！（設計對白）

 
宮雪花似我唔好咩！（設計對白）


廖碧兒日前跟住經理人到中環開工。著住黑色乾濕褸遮掩肥腫身形的她，全程冇笑容。


闖禍搞到T牌吊銷後，日前在林忠豪的淺水灣寓所發現其麥拿崙跑車已無車牌。


去年底，林忠豪揸住架五百萬麥拿崙溝女戰車接莊思敏已經夠招搖，仲要係掛T牌，且之後連番違例，難怪早被警方實。


王維基即將開台，不單傳出廖碧兒跟張可頤爭做一姐，在無綫坐正的她，在新劇中只有做大配角。




跟陳豪拍拖時，愛情事業兩得意的廖碧兒不時著貼身裙騷身材出活動，一度成為花旦中的吸金王。


返內地發展所拍的電視劇《深宮諜影》，廖碧兒也是做大茄，行行企企冇得發揮。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄