為求上鏡更好睇，何超儀積極減肥，已成功搣甩十磅肉。

去年爆發爭產風波後，有指賭王何鴻燊大部分時間都留在三太陳婉珍的布力徑大宅，與三房最親密，連帶超雲及超蓮亦特別得寵。雖然跟二房關係變得疏離，但甚得賭王歡心的超儀卻不受影響，最近又再氹掂老豆揼水一億開戲，今次會夫妻檔上陣外，還有張家輝、謝霆鋒和陳奕迅力撐。

勵志片
得賭王一擲億元撐腰，○八年何超儀達成心願，自組852電影公司，做老闆拍電影。「做咗電影公司老闆，超儀多咗機會同外地製作人接觸，亦幫佢打開咗好多唔同地方嘅市場，好似之前部《世紀戰疫》，超儀都有份演出，去到美國拍戲，就係荷李活式待遇，超儀都話大開眼界。」超儀身邊人說。已先後自資拍過兩部電影，雖然投資大回報低，但超儀對投資電影的熱情依然不減；早前又氹掂賭王老豆，再度開水喉，打本一億開戲，新片計劃八月開拍。「今次拍喜劇勵志片，導演係《打擂台》嘅郭子健，劇本仲寫緊，希望可以趕到八月開。超儀今次仲預埋老公陳子聰客串，其他演員都係佢啲老友，好似張家輝、陳奕迅同謝霆鋒。」

唔慳得
電影將會到內地和歐洲拍外景，製作同演員片酬，都比《維多利亞壹號》貴一大截。「上次都去咗唔少地方做宣傳，宣傳費加上所有演員工作人員嘅機票住宿，都使咗唔少，而家演員片酬同拍戲成本都貴晒，尤其係之後嘅宣傳費，更加唔慳得。」知情者說。距離開工尚有一段時間，但超儀已積極減肥，並已瘦了十磅！「超儀飲食好節制，加上佢老公之前因為三高好多嘢都要戒，而家佢哋唔會買肉返屋企煮。超儀話想準備得好啲，遲吓開工有排捱。」賭王老豆咁支持，何超儀當然要落足力交功課。

蝕入肉
37歲的何超儀，出過唱片做歌手，但近年則以電影為主。94年接拍處女作《青春火花》開始，02年已憑《地久天長》奪得金紫荊「最佳女配角」，03年再憑《豪情》獲金像獎「最佳女配角」。08年，賭王老豆放水一億，讓超儀與老公陳子聰成立852電影公司，自資拍戲，但投資過兩部作品，均慘蝕收場。 《維多利亞壹號》 09年，開拍血腥三級片《維多利亞壹號》，何超儀擔正做女主角，雖然令她成為西班牙影后，但電影叫好不叫座，香港票房得300萬，蝕入肉。


《復仇者之死》去年再接再厲，投資500萬開拍《復仇者之死》，捧好友麥浚龍做男主角，但因為劇情過分血腥，不能在內地放映，香港票房僅得80萬。 ####


去年十一月二十日，二房為賭王慶祝九十歲大壽，在君悅舉行大型生日會，身在北京的超儀急趕返港氹爹哋。


超儀開戲，召集老友陳奕迅謝霆鋒幫拖，不過二人片酬貴，工作又密麻麻，要度期開工相當頭痛。


13/3上週二晚，何超儀約齊好友出海，晚上七時，大隊在中環九號碼頭集合，仍未見Duran Duran出現。


老公陳子聰幫超儀在船上招呼賓客。


超儀（圖右一）一馬當先，帶隊上船。


上船不久，眾人便在船上開餐。


何超儀出動何家遊艇招呼外國組合Duran Duran出海。


去年何超儀專誠到北京為奇洛李維斯新片《太極俠》試鏡，原來該片一早內定莫文蔚做女主角，只搵超儀過橋。


去年十一月，本刊拍得何超儀約張家輝飯聚，原來傾談合作新片計劃。



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄