Honey！有我喺度！（設計對白）吳君如、鄭元暢雖然年紀相差十七年，不過都玩得埋，仲一齊玩手機合照。

台灣片當頭起，食住個勢，又有新作開拍，就係投資1.5億台幣嘅古裝電影《花漾》，上個禮拜六（三月十七日）電影公司安排傳媒南下高雄，參觀用三千萬台幣搭建嘅歌伎院。主角係萬人迷言承旭加鄭元暢，仲有台灣新進花旦陳意涵，三大偶像派孭飛谷票房，合理，奇在戲中嘅酒家老闆娘角色，係港星吳君如。


假假哋都係金像金馬雙影后，君如做阿二都肯，聽講戲份仲少過戲中飾演海盜王嘅任達華。二五話君如雖然唔係等錢開飯，但佢老公陳可辛就前景不樂觀。話說陳監製舊年搵嚟金馬影帝阮經天同黃曉明合作新戲《血滴子》，黃曉明睇完劇本嫌戲少推，陳可辛最終就以「一人分飾兩角」搞掂黃曉明。有傳陳可辛過海神仙，安排黃曉明先集中拍晒其中一角戲份，再以「做得太好，唔想觀眾分散注意力」為理由，將另一角色俾咗大陸億元票房男星文章做。二五仲話內地有好多同陳可辛合作過嘅投資者，都唔願支持佢開戲，再整多單失信於黃曉明事件，更加冇運行啦。吳君如好天收埋落雨柴，好正常！ ####


靠晒你！（設計對白）星期一（三月十九日）陳可辛聯同余文樂一齊出席「2012寰亞電影發布會」宣傳佢套《血滴子》，男主角阮經天要當兵，黃曉明又喺內地拍緊新劇《岳飛》，得余文樂獨撐。


預祝任達華五十七歲生日，劇組安排言承旭送上蛋糕慶祝。


言承旭、鄭元暢、陳意涵先係主角，做海盜王嘅任達華，手下係言承旭，戲份多過演老闆娘嘅吳君如。


三千萬搭出嚟嘅歌伎院，有前冇後！



arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄