呢排條街成日傳張栢芝成功翻撻謝霆鋒，講到似層層，但上個禮拜三白色情人節（三月十四日），栢芝飛咗去北京出席電影《影子愛人》宣傳活動，即使夜機返香港，不過唔係見霆鋒，而係踩入火炭大牌檔開餐。


二五報料，當晚最先係豪龍帶住Lucas嚟食飯，同枱仲有幾個朋友，食到九點四十五分，栢芝出現，校啱時間，Lucas由同行嘅友人帶返屋企，唔俾佢玩太夜。一坐低，栢芝就指手畫腳發表偉論，同枱友人全部得個聽字，講咗大半個鐘，終於訓話完畢，跟住一個二個行出去食番支回魂飯後煙，全部唔敢喺早已戒煙嘅大家姐栢芝面前吞雲吐霧！ ####


《壹》 仔未到前，二五話有附近醉酒客人行埋去話：「咦！你係靚女嚟喎，同我影張相呀！」最後俾栢芝身邊人趕走，栢芝咁勞氣，可能都有啲關係。


食飽講飽，栢芝上車，佢經理人Emily同其他朋友就第一時間行出去扯煙。

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄