「國民女神」陳妍希呢排周身唔得閒，啱啱忙完《那些年》大陸宣傳，返到台灣又要為2月3日上畫嘅新戲《愛的麵包魂》造勢！《麵包魂》舊年拍完，一直冇預計上畫日期，直至見到《那些年》大收，電影公司於是打鐵趁熱，趕搭女神熱潮，响元宵佳節（2月6日）前夕開畫，希望有陳妍希做女主角，可以有好成績。


《麵包魂》嘅故事，要由高雄鄉間嘅麵包店講起。麵包店太子女陳妍希，同麵包師傅陳漢典自小青梅竹馬，後來殺出一位法國台灣混血兒靚仔倪安東，對陳妍希一見鍾情，引發出鄉下佬同法國情人一場爭女大混戰，最終要靠一場麵包比賽分出愛情高下。老土到噴血嘅橋段，加上男主角係响《康熙來了》入面出名扮醜搞笑嘅陳漢典，倪安東又唔夠柯震東靚仔，收唔收得，真係唔敢估，不過陳妍希同陳漢典嘅激吻戲就引起女神粉絲不滿，因為當日導演要求兩個嘴得激烈啲，陳漢典自爆情不自禁伸出舌頭來，好在陳妍希識得保護自己：「還好我有用牙齒頂住！」各位粉絲可以放心。


倪安東本身係中美混血兒，09年參加《超級星光大道》踢館賽一唱成名，更加係第一個攞滿分嘅參賽者，不過講到樣，都係柯震東襯陳妍希多啲！


戲中倪安東係米芝蓮三星名廚，亦係國際知名飲食節目主持，做麵包係佢強項，為咗要爭贏陳妍希，於是同鄉下仔陳漢典進行一場麵包比賽，極級師奶橋段。 ####



 

 
新戲入面陳妍希做鄉下麵包店太子女，被陳漢典（上圖）、倪安東熱烈追求，兩場接吻戲更成為電影最大賣點。

 

 
為咗宣傳新戲，陳漢典會周圍請人食麵包，周杰倫同陳奕迅都有份歎。






arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄