同飲食集團太子爺汪小菲結咗婚成年，大S徐熙媛個肚一直冇動靜，早排有傳兩公婆唔等得，經小S介紹醫生接受人工受孕，以為十拿九穩，點知都係失敗。見個女生唔出，S媽決定出手，不過唔係燉補品或者搵生仔秘方，而係請嚟城中有名嘅堪輿學家，親身上去大S同汪小菲嘅千萬豪宅睇風水。


汪生汪太愛巢，係位於台北市信義區嘅「國家藝術館」，大S前年以2億台幣（約5,200萬港元）買入，無論價錢同地段都係一級豪宅，不過風水大師睇完樓就鬧到一文不值，認為間屋嘅布局同座向，通通不利大S，除咗容易惹是非，更加不利健康，尤其係皮膚問題，大S想喺呢間屋生仔，更加冇可能。由於問題太嚴重，唔係擺幾個葫蘆set個陣就可以化解，風水大師強烈建議兩公婆即搬，仲話大S媽間屋好風水，想盡快生B，要搬去阿媽度住！風水嘅嘢！信不信由你，大S就企硬信自己，堅持話間屋愈住愈舒服，但話時話，過去一年，有關汪生汪太嘅是非新聞真係一單接一單，最新鮮熱辣係大S幫大肚小S代班主持《康熙來了》，因為一句「一萬元以下的鞋子非常便宜」，被仇富觀眾鬧佢「晒命」；至於佢老公汪小菲响台北開嘅俏江南分店，因為餸菜格價比北京仲要貴，遭食客投訴「食水深」，最近餐廳又因為消防安檢唔合格收到告票罰款。種種跡象睇嚟！我係大S的話，即搬啦！


大S响《康熙來了》節目中話「一萬元以下的鞋子非常便宜」，激起仇富觀眾群起指責，大S事後解釋，藝人花錢買靚衫係「敬業」，佢唔係想「晒命」喎！


聽講汪小菲阿媽張蘭等抱孫等得好心急，S媽於是搵風水師幫手，怕得罪有頭有面嘅富貴親家。 ####

 
裝潢豪華嘅台北俏江南分店剛剛開幕，已經不斷收到食客投訴餸菜價錢太貴，食飯冇得walkin一定要訂位，汪小菲唯有留响台北「拆彈」，太太大S就做跟得夫人。

 
2億豪宅風水出問題，仲搞到冇仔生，大S唔信邪唔肯搬走，喂！你都36歲啦，人工都生唔出，你自己知自己事啦！

 

 

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄