識得頒番個獎俾我，平身啦！（設計對白）

劇集《萬凰之王》有戲勢，胡杏兒仲憑此劇成為視后大熱，而另一女主角宣萱當然冇乜運行。不過媽咪姐發現一班網民好錫宣萱，喺高登網就頒咗個「最佳人質獎」俾佢！原來高登「巴打」心水真係好清，計到宣萱效力無綫 20年，拍過 42套劇集，其中有 14套都要俾人挾持做人質。其實呢個 post喺網上已經流傳咗一段時間，不過最近因為宣萱喺《萬》劇再度被人挾持，而重新瘋傳。



宣萱喺《萬凰之王》中被挾持，差啲仲俾祥嬪生劏，勾起網民對佢經常做人質嘅記憶。

雖然簽部頭約嘅宣萱唔夠牙力爭視后，但佢成日俾人挾持，要嗌又要掙扎，無功勞都有苦勞。今次攞到呢個網上大獎，總算叫做有啲安慰啦！

無論上年嘅《刑警》，定係十年前嘅《流金歲月》，宣萱都係俾人綁住，難怪網民話 TVB啲劇無新意！拍古裝劇《尋秦記》亦難逃被挾持。嘩！喺《烽火奇遇結良緣》仲有最近涉嫌非禮嘅馬德鐘㖭！戲裏戲外，無事都算好彩咯。



刑警

尋秦記

烽火奇遇結良緣

流金歲月

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄