周三（ 23日），二人組合 Swing喺紅館舉行「 Swing後會無期告別演唱會」，大家對兩位成員 Eric Kwok（郭偉亮）同 Jerald（陳哲廬）可能唔算好熟，但 Eric Kwok個 best friend係謝霆鋒先生，而佢女友葉佩雯嘅好姊妹係張栢芝喎，咁就有嘢講嘞！



女人係咁善變㗎啦！（設計對白）

話說 Swing事先張揚，會請呢對轟動全港嘅離婚夫妻齊齊嚟睇騷。結果，近半百記者湧去紅館，等呀等，等到條頸都長咗幾吋，九點鐘先見到霆鋒由台邊捐出嚟，坐喺第一行同助手談笑風生，手指指睇騷， high到爆，仲要全程無黑面，任影喎！
咁栢芝呢？ sorry！媽咪姐等到白頭髮都出多幾條都依然未見佢個影！但經理人余先生明明話栢芝會嚟噃。唉！明嘅，最近佢套戲《楊門女將》喺香港嘅票房成績慘烈到，上咗一星期都只收幾十萬，但淨係張小姐嘅片酬已經成千萬喎！即刻俾大家話佢係「票房毒藥」。依家咁嘅時勢，係女人都唔會想同自己個 ex見面嘅！
好在仲有陳奕迅夫婦呀林憶蓮呀李克勤呀何超儀等等嚟撐場，都好熱鬧㗎！最意想不到嘅係， Eric Kwok浪漫到喺紅館向多年女友葉佩雯求婚，仲搵定律師上台，即場結埋婚。向全世界說愛你喎， sweet到呢！如果栢芝有嚟，就真係百般滋味在心頭咯。


 

你見過霆鋒咁 high未？媽咪姐就真係未見過嘞！佢個口擘得大過隔籬嗰位日日 natural high嘅 Eason，然後仲笑到彎腰踎喺度㖭。栢芝唔嚟，或者都係一件好事嘅！

好友何超儀、劉浩龍等上晒台做嘉賓，連多年女友葉佩雯（紅裙）都唱埋一份， Eric Kwok唱到 high，仲即場求婚，搵埋律師上台，霆鋒做證婚人，紅館成婚，好浪漫呀！



Eric Kwok結婚

 

樂壇阿哥阿姐李克勤、劉美君俾面出席，連平日甚少露面嘅林憶蓮都有到。梗係，緋聞男友恭碩良喺台上打緊鼓喎！


 

謝氏一家四口對上一次齊齊見報，係喺上年 10月同拉姑慶生辰。依家要鋒芝同場都幾難！呢張相，睇嚟真係要剪存嘞。


 

《楊門女將》票房觸礁，大家將失敗矛頭指向張栢芝。媽咪姐公平啲講句，咁題材、劇本同拍攝手法統統都要計數嘅。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄