豐田 CM一共分 2集，第 2集名為《大雄的 BBQ》。廣告上週出街後，中文翻譯版已有超過 50萬點擊率，相當厲害。

日本豐田（ TOYOTA）汽車新廣告雖然暫時未喺香港播過，但唔少市民都同 CIA一樣喺 YouTube欣賞過，兼將段片喺 fb瘋傳啦！

廣告如果淨係得啲車駛來駛去相信唔會有咁大魔力，今次綽頭就係《多啦 A夢》內大雄嘅溝女故事，仲搵咗 30歲嘅日本影帝妻夫木聰做大雄，法國男星尚連奴做叮噹添。
唔少人覺得奇怪，點解廣告商會搵青靚白淨嘅妻夫木聰嚟做搞笑大雄呢? CIA索到廣告商原來之前睇過聰仔 10年前嘅作品《五個撲水的少年》，覺得佢都幾適合做搞笑角色，加上佢嘅人氣，就決定重金請佢演大雄。
至於搵尚連奴做叮噹， CIA覺得唔奇喎，事關日本人一向都幾鍾意尚連奴，之前已搵過佢做遊戲《鬼武者 3》其中一個主角，拍住金城武係咁打。 CIA亦聽聞呢個豐田廣告稍後將會喺歐洲播，搵尚連奴孭飛都正路嘅。



廣告開始講大雄已經 30歲，佢帶靜香坐 JR準備去野餐，點知就搭錯車。

大雄眼鏡

山下智久亦粉墨登場飾演小夫（阿福）同聰仔爭水川麻美飾演的靜香。留意山 P頭上有劉海，佢話「我第一次感受到劉海飄逸的感覺。」

CM中文翻譯版已有超過 53萬點擊率，唔少網民都話大雄同阿福過分靚仔，同原著有出入。

聰仔（右一）喺《五個撲水的少年》內飾演跳水癡男，為溝女仲要學水上芭蕾舞，笑到肚痛。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄