娛樂圈中自稱阿姐、阿哥人士多不勝數，但自問喜歡做阿妹又有何許人？

龔嘉欣（Katy）坦言自己不介意飾演入世未深的妹妹仔，因為只有像她一樣十八、廿二，才有機會着校服，一眾姐姐們望塵莫及。

Katy○八年簽約無綫，多部劇集中演活不少妹妹、鄰家女孩角色，做阿妹做得多，她坦言不怕被定形，反而慶幸自己夠青春：「做阿妹唔係人人都得，恨都恨唔到，因為至少要後生着校服先似，監製都係咁同我講，我暫時真係唔介意，好似唐詩詠咁做阿妹都做咗好多年。我覺得依家咁幾好，唔想咁老！」

繼《誰家灶頭無煙火》後，Katy近日繼續做阿妹，但今次點止妹妹咁簡單，在拍攝中的新劇《天梯》除演妹妹外更在劇中演揚明的太太：「今次係有唔同，演少婦都有啲緊張，不過我都希望可以畀多幾面觀眾睇，唔單止係妹妹！」劇中有一場結婚戲，Katy指工作上已非首次着婚紗，至於何時跟男友鄧健泓結婚？Katy說暫時未有計劃，坦言已見過對方家長，不過心中理想結婚年齡是三十歲，至少要男友等八年，「我依家先二十二歲，首要專心工作。」閃婚？No Way！

英文名：Katy

生日：1989年12月5日

學歷：香港演藝學院（文憑）一年級

興趣：跳舞

電視作品：《盛裝舞步愛作戰》、《我的如意狼君》、《拳王》、《誰家灶頭無煙火》、《天梯》