今時今日話女人只啱揸車仔，咁就麻煩你張開眼睛，看看馬路的高頭大馬車款，司機都是女人！不過女人揀車同揀老公一樣，除咗睇得（車款）、砌得（馬力），仲要細心，一些細眉細眼處，往往成為她們投懷送抱的關鍵。最近綜合各方女士意見，發現她們揀車有幾個條件必須齊備，否則難以成為女人的糖心呢！記者：趙慧敏攝影：伍慶泉Model： Eagle@Zmodel
其他副刊影片 Audi S5攞滿分 放大圖片 
今次找來 S5演繹女士心目中一百分愛驅，雖然性能一向不是女士買車的大前提，不過 S5不單止以性能取勝，在細節方面亦絕對體貼女士們，至於今次拍攝的藍色車身，悅目的色調搶眼到暈，難怪模特兒見到亦即時將她放在 Dream Car之列。
冧女 1招電動座椅避狼狽
相信女士們總有這個經驗，坐上司機位時，要前後移動座椅，首先在椅底找尋手掣，又要大力向前後推，不時用力過度推得太前，又可能因力氣不夠令座椅不動，往往弄得披頭散髮，這時妳會發現一張電動座椅會帶給妳無比的方便，只須優雅地輕按着一個掣，便移動至合適位置。
放大圖片 
■ 㩒個掣就可以郁動座椅，當然夠方便。
放大圖片 
■手動座椅隨時推到妳狼狽不堪，披頭散髮！
冧女 2招要升要降話晒事 放大圖片 
■身材嬌小玲瓏的女司機，要靠咕墊高座椅，扣分！
可能因為成本問題，部份電動座椅總會出現差啲啲的情況，差啲乜？就是升降功能！別忘記部份嬌小玲瓏的女司機開車時確實矮一截，路面都睇唔清，身邊就有姐妹要用咕墊高開車，咁樣架車配備絲絨定真皮座椅都與佢無關啦！
冧女 3招遙控車匙識得叫 放大圖片 
■有個識得叫嘅遙控車匙幫手，唔怕搵唔返架車。
揸車出街 Shopping是不少女士的主要活動，不過有時見到有靚嘢買，唔好話老竇姓乜都唔知，連架車停咗喺邊度都可以唔記得，最經常發生嘅當然喺大型商場嘅停車場，個個位都差唔多，真係唔知點搵番架車，所以有遙控車匙之餘，最好係㩒個掣防盜就會響嗰種，聽唔到聲，可能係停車場層數都搞錯，唔該去第二層再搵過。
冧女 4招鏡仔扮靚唔使搵 放大圖片 
■開車前都要補妝，有咗塊鏡仔，掂晒！
唔知車廠係咪只覺得女士永遠是坐在乘客位一邊，過往前座乘客位上端的太陽擋總係放喺這邊，不過家女士們揸車前都會補吓妝，四圍搵鏡仔確係幾麻煩，加番塊鏡所費無幾，但就贏盡歡心，真係幾化算。
冧女 5招後泊車鏡頭
女士揸車都要保持優雅，難道要她們學貨車大哥般，倒車時半邊身扭出窗外睇位，有個後泊車鏡頭，望住個屏幕就乜都睇得一清二楚。
放大圖片 
放大圖片 
■有個後泊車鏡頭，望住屏幕一眼睇晒。
冧女 6招底盤高低有要求
愛穿短裙的女士上落車隨時是一大麻煩，車身太高又腳踏欠奉，上車似乎有失儀態，但假如是如跑車底盤太低，次次都要側身屈腳入車櫳，似乎亦過於委屈，不過車身高低都要睇埋個人身形及高度，呢方面似乎要人就車，唔係車就人。
放大圖片 
■底盤啱啱好，上車落車都輕鬆得多。
放大圖片 
■低盤太高，難免出現這個論盡樣。
Audi S5 3.0 Sportback規格 放大圖片 
引擎： 2,995cc V6 Supercharge馬力： 333hp/5,500-7,000rpm扭力： 440Nm/2,900-5,300rpm傳動： 7前速 S tronic自動波售價：$777,000起查詢： 2528 1862（合迪汽車） 
留言列表
{{ article.title }}
