新一代吸金媽咪趙薇最近頻頻亮相，繼早前為湖南衛視擔任跨年演唱會嘅表演嘉賓之後，前日又去咗合肥市新落成嘅安徽廣播電視大廈，幫安徽衛視錄製春節聯歡晚會，趁新年密密發功，認真財源滾滾。
講鄉下話冧街坊 放大圖片 
趙薇難得返家鄉安徽錄影，梗係要用家鄉話同鄉親父老打個招呼。CFP圖片
向來都係春晚常客嘅趙薇，上年因為陀住老公黃有龍嘅 B女而謝絕表演，家陣 B女出咗世，佢自然把握機會寓工作於娛樂兼發新年財。前日趙薇就返咗家鄉安徽錄製春節晚會。當日佢換上醒目嘅火紅色連身裙，坐住超巨型蓮花座從天而降，盡顯天后級氣派。幸福少奶奶趙薇有叠水老公錫、又有精叻 B女湊，成個人顯得容光煥發，身形仲 keep得好弗㖭，佢之後仲用家鄉話問候鄉親父老，咁識冧人搞氣氛，咁唔話得，抵佢年年長做長有。
上春晚圓家人願 放大圖片 
產後復出嘅趙薇容光煥發，身形 keep到好 fit。CFP圖片
據知，趙薇上春晚，除咗搵錢外，亦係滿足家人嘅心願，舊年趙薇生女後，一直活躍幕前，好多大時大節都因為工作冇得同家人聚首一堂，既然節日唔可以一齊過，屋企人能夠喺春晚節目上面見到趙薇，亦聊勝於無喎！歷時 3小時嘅安徽衛視春節聯歡晚會總共有 23個環節，除咗趙薇，蔡琴等巨星獻技。晚會將於 2月 1日晚喺安徽衛視播出。 
趙薇坐住超巨型蓮花座從天而降，很有氣勢。
CFP圖片
全站熱搜
留言列表
{{ article.title }}
