好可愛呀！（真實對白）
上週二（ 11日）晚嗰集，介紹青森縣蘋果園， 24歲湯寶珍繼續扮細路女聲話：「啲蘋果粉紅色好似桃咁，好可愛呀！」見佢仲即時望鏡扮蘋果，網友留意到佢超長嘅假眼睫毛，話佢十足曱甴腳，好嚇人呀！

播咗一個禮拜，總共 10集嘅旅遊節目《紅葉瀛風》，收視平均有 22點，同之前森美小儀主持嘅《千奇百趣》差唔多，節目去咗日本東北 7個縣，楊思琦同兩個新主持又去落稻田、又去蘋果園，新意其實就唔多啦，不過勝在香港有唔少日本 fans，晚晚追住睇！

 

鬼揸聲扮可愛

但係兩位新主持成為觀眾圍插主角，網友指佢哋表情同講對白都超作狀。的確港男出身嘅大隻仔溫家偉喺節目周不時單眼扮可愛，觀眾唔多 like，不過網友知佢外國返嚟，放佢一馬，但係港女陀地湯寶珍無論去蘋果園、睇紅葉定浸溫泉，極作狀浮誇，又揑住把聲講對白令觀眾嘔飯，唔少網友留言狠插湯小姐「低 B」、「弱智」同「 chok到嘔！」，想佢即刻收皮。
據知湯寶珍同溫家偉第一次做主持狂食 NG，據幕後工作人員透露：「旅遊節目會去到當地先寫稿，佢兩個都係新人即時背稿有啲難度，所以都 NG咗好多次！家睇到已經係最好版本啦！」至於大隻仔溫家偉解釋說：「我 08年 New York返香港完全唔識中文，全靠撰稿員讀一次對白，我靠記，希望大家畀啲時間我，我都知網友批評，我會改！其實湯寶珍真人把聲都係咁，佢冇扮嘢！」至於楊思琦亦幫口同拍檔求情話：「佢哋第 1次做主持，已經畀咗好多心機，網友畀意見，都係想佢哋進步，我諗佢哋會改善！」而 chok到嘔嘅湯寶珍上週六（ 15日），拍完幾米新劇《你們我們他們》仍未知死向記者說：「我把聲係咁改唔到，總之網友批評我知，下次注意吓囉！」叫佢企定影張靚相，湯小姐仲好寸咁話：「我點影都唔靚 o架啦！我短時間都唔會同你做訪問！」今時今日咁嘅態度，觀眾點收貨先！

 

放大圖片

湯寶珍參選港姐時有報道爆佢貪平喺內地隆鼻，加埋被前男友數臭佢係拜金女， 8強不入，同屆冠軍係陳庭欣。

 
放大圖片

網友即時喺 facebook開咗個群組，指湯寶珍把聲低能，都有過百人支持。

 

浮誇嘩
去到十和田湖見到紅葉，見師姐思琦一副開心樣好自然，但係身邊湯寶珍就雙手掩面浮誇大叫：「嘩！」簡直虐待觀眾。

李碧華都鬧
編劇同作家嘅李碧華上週六亦喺《蘋果日報》專欄中指湯寶珍對白聽完起雞皮，仲話佢濃妝艷抹熟女裝可愛

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stinglife 發表在 痞客邦 留言(0) 人氣()

    E-mail轉寄