娛樂八掛大放送★

在香港即使俾你揸架寶馬 M3，都唔敢亂來，也膽怯於一部快相相機及一個交通警。有機會去上海 F1國際賽車場一試 M系極限，當然不能錯失，決心跟 M3搏鬥，最後卻發現 Never fight with the car才是至理名言。記者、攝影：許維雅鳴謝： BMW HK（ 3129 9000）

攻彎湧起興奮 放大圖片

踏入年尾，眾車廠紛紛舉行 Track Day，一展旗下辣車級車系的實力。論性能，寶馬 M系以 400幾匹馬力的 M3、 500幾匹馬力的 X5 M及 X6 M出戰，夠晒力水讓你瘋狂一番。論場地，寶馬選擇了位於嘉定區、曾舉辦一級方程式賽事的上海國際賽車場作為訓練場地，戰意自然加倍提升。自問並非「賽車手」一族，亦不是好戰之士，但第一次踏足 F1賽車場，都湧起一股興奮，於被公認為難度頗高的 F1賽道上試玩 M系，攻 U Turn形及 S形彎，專誠由德國慕尼黑請來的 Driving Experience教練 Fritz教路，心情更興奮莫名。

入彎認四點 放大圖片

■入彎要學習跟線入，一架架排住隊感覺入彎四點。

原來入彎要控制得好，一定要認清四點，制動點、入彎點、彎心及出彎點。當遇上轉向不足、軚環突然變輕的失控情況時， Fritz千叮萬囑：「 Never fight with the car！停止畀油，唔好再強行扭軚，望住你想去的方向。」知易行難，準備走入賽道的心情確實有點緊張。

SUV身手一樣敏捷 放大圖片

望見 13架 M系於賽道起點排出 M字陣形，氣勢十足，大家分成兩條車龍出發，跟住教練領航的 M3試圈，幾時收油入彎，教練到實，透過對講機提點，開始逐步慢慢摸清脾性強悍的 M3底蘊，原來學習飆車所需要的專注，身心體力透支都幾大，整個提升技術的訓練，其實唔止齋跑圈咁單調！

放大圖片

放大圖片

Launch Control起步 放大圖片

■教練耐心教大家於大直路試玩賽車式起步。

到下午，另一位教練帶領我哋換揸 X5 M及 X6 M，大玩 Launch Control賽車式起步，先按 M再關掉 DSC，左腳踏實迫力，右腳踩盡油門，直至錶板螢光幕出現賽車旗仔 Icon，第一次感受到放迫力一刻所造出的彈射衝力，認真 High到暈。

放大圖片

■長按 DSC按鈕數秒關掉防打滑功能。

放大圖片

■玩 Launch Control才可關掉 DSC。

SLALOM繞障訓練 放大圖片

■揸 X6 M玩 SLALOM時，感覺一點也不笨重。

之後再進行 SLALOM繞障訓練，力證車身較高的 SUV一樣可以身手敏捷，貼住雪糕筒打 8字，全因 xDrive的四驅系統會自動分佈前驅的力量輸出，及因應不同情況去控制後驅的左右力量。

車主大嗌：好好玩！

今次同行還有一批買了 M3的車主，完成 M experience訓練課程有張證書，於 M3繞障計時賽的冠軍得主更有獎盃一隻，代理夠晒細心。

Anonymous 放大圖片

呢個賽車場真係好好玩，所以最鍾意玩 Full Track兜圈部份。新一代 M3同之前一代完全唔同晒，入彎操控真係拍得住林寶同拉利，好有驚喜。

Philip 放大圖片

平時真係無機會咁玩，同埋你玩完 Track真係幫到你知道自己架車嘅極限去到邊。加上呢個場好吸引，絕對好玩，好有車手感覺。

後記： 放大圖片

■最後玩計時賽，有專業儀器計算小圈速。

由天光玩到黃昏，最後還要來一場 M3繞障計時比賽，冠軍當然無我份，但今次馴馬記之旅的確令我對玩辣車有更深了解。