離婚鬆晒　阿Sa 2千萬同居竇瘟 William face週刊 181期－娛樂八掛大放送★

愈來愈有夫妻相嘅阿 Sa同 William，萬聖節當晚頭貼頭兼繑晒手合照，夠晒大方。"
溫馨屋
離婚鬆晒　阿 Sa 2千萬同居竇瘟 William
2010年11月10日
自從高調公開同師弟 William（陳偉霆）暗交 4個月後，阿 Sa（蔡卓妍）對戀情全無避忌，更將二人攬實參加哈囉喂的親密照放上微博任睇。
唔使收收埋埋，講明「希望有一天能跟他結婚，走到人生盡頭」的阿 Sa，最近前夫鄭中基更排期搞離婚手續。不再係人妻一身鬆晒，阿 Sa月前以近 2千萬買入跑馬地慧莉苑頂層複式單位做愛巢。本刊發現面積達 1,700呎的新居現正趕工裝修， Sa媽早前更親身到場視察進度，似自住多過似投資。
新居兩層高，一層畀媽咪一層同威廉住，阿 Sa呢條數計啱晒喎！
年紀相差 3年的阿 Sa和陳偉霆，上月突然公開戀情，威廉以「 SaSa」稱呼女友，兩人不時在微博傳情， sweet到爆。
嫌 Baby住過
正值熱戀期，阿 Sa又要留守上海拍《白蛇傳》，兩人一有時間就爭取機會見面。婚姻破裂後，阿 Sa搬離鄭中基淺水灣夫家，暫住跑馬地外婆家的阿 Sa，據知近幾個月不時到陳偉霆位於九龍塘和域臺的獨居竇私會，但威廉以前同前度 Angelababy亦於此同居，新歡當然唔想眼冤瞓人舊床。
「九龍塘個單位係 William之前租嚟同 Baby同居，都住咗幾年 o架，阿 Sa梗係唔鍾意男友再住喺度啦！咁啱萬聖節嗰日阿 Sa又俾人影到摸上去搵 William，為咗唔想咁易俾人跟到，佢兩個梗係想快啲搬啦，二人世界嘛！」知情人士透露。
跑馬地好住咩？設計對白

阿 Sa同威廉上月拖住手現身香港機場，兩人齊齊表示視對方為結婚對象，幸福到暈。

8百呎天台
情侶檔拍住上，雖然阿 Sa近期不斷介紹工作畀男友，又唔介意做人肉宣傳易幫仔谷人氣，但計賺錢能力，拍一部戲收 250萬的阿 Sa同剛剛起步的威廉始終差一大截。加上阿 Sa識投資，早前單靠炒樓都賺到 700萬，保守估計，出道 9年的阿 Sa身家分分鐘過億。
搵得到自然使得起，阿 Sa今年 8月以 2千萬買入跑馬地慧莉苑一個頂層複式單位，樓齡得 15年的新竇一梯兩伙，私隱度高又望到馬場景，而且天台有 8百多呎，啱晒愛熱鬧的阿 Sa威廉約人上去開 P。對於買樓築愛巢，阿 Sa透過經理人強調自己冇份住，「層樓係買畀屋企人，唔係愛巢嚟 o架！」
排緊期搞離婚兼連屋都搬埋，新仔新屋新天地，點玩都得！

阿 Sa未離婚前一直住喺鄭中基淺水灣麗景花園，離婚暫時搬往由外公持有的跑馬地蔚雲閣。《壹週刊》圖片

威廉私竇
William現居的九龍塘和域臺月租約 3萬 5，面積接近 1,600呎，曾志偉亦係該大廈的住客。

愛巢曝光
Sa媽監場

同阿 Sa一個餅印嘅 Sa媽馮月茹，上月尾親自到慧莉苑睇裝修， Sa媽更認真睇勻每一個角落，難怪阿 Sa放心交晒所有嘢畀媽咪打理。

屋入面放滿木梯、油漆罐，相信阿 Sa嘅新愛巢仲要一段時間先入得伙。
慧莉苑頂層複式單位由阿 Sa同媽咪聯名持有，短短兩個月已微升至 2,100萬， Sa媽買樓果然有眼光。