淡定大師姐
身高 166cm嘅 DaDa自謙對腳得 38吋唔算長，之前俾近 6呎嘅胸模 Caroline（朱裕琳）寸佢矮同胸形怪， DaDa好無奈話：「可能呢啲係我嘅優點呢，其實唔需要咁樣話人哋囉，有咩意思啫？」唔緊要啦，宅男 buy就得啦。
因為「拉尼娜」現象，天文台預計今年冬天可能係「千年極寒」，靠心口搵食嘅 o靚模，到時可能凍到封咪。咪咪冬眠，宅男唔使驚，由「百果園 E神」 DaDa（陳靜）本月中率先推出 52個性感造型週曆，入冬前將「事業綫」割引，大家鬥出月曆再鍊過！
被八模 A. Lin寸性感底線好低， cheap出「廁所年曆」嘅 DaDa，追擊冇手軟，率領 Liz、 Ivy和阿旦等 9個師妹出月曆，大玩 60年代性感妖姬、女僕等共 10個懷舊 cosplay look。一向賣胸唔 sell腳的 DaDa，仲罕有穿上魚網絲襪晒腿，自知唔係長腿姐姐，但都下過功夫，「為咗對腳，我每晚提腿 100下 o架！」
21歲 DaDa身懷 34E導彈，肯搏肯捱，寫真大戰後撈埋電影，接拍王晶同詹瑞文嘅《潮性辦公室》做性感 OL，和國產片《宅男總動員》拍住鄧麗欣扮宅女。見死敵「浸大 E神」 Carol（楊梓瑤）要封咪返學， DaDa一邊搶攻影圈，另一邊索性落重藥影週曆，到台灣墾丁取景大玩 52 look，內衣、泳衣、半裸晒波兼露埋股罅，務求宅男個個星期都流血不止。
通淋巴瘦腿
影完個人週曆， DaDa一拖九再出懷舊月曆， 11月中齊齊發功搶灘；佢今次除咗晒 34E巨胸，仲玩魚網絲襪騷長腿：「公司建議我試吓扮性感尤物 show腳，為咗對腳再靚啲，我晚晚都提腿 100下，之前仲專登每星期都去通 2、 3次淋巴。」
上月中大師姐 DaDa帶住 9個師妹，早上 10點開始在中環陸羽大廈一間懷舊 club拍足 16個鐘。月曆以「 60年代餐廳」為主題， 10個女仔分別扮餐廳老闆、女僕侍應、廚師、 bar tanner和客人，各有各性感、可愛、高貴、冶艷。
除扮性感尤物嘅 DaDa外，一向身材輸蝕嘅「翻版大 S」 Liz反串以許文強造型扮餐廳老闆一樣咁搶鏡。
經理人施念慈透露，兩款月曆 11月中推出，家已開始籌備簽名會：「 12月嘅月曆簽名會，我哋諗住搞 Christmas party，等 DaDa佢哋同 fans一齊慶祝聖誕。」宅男咪執輸啦！
最搶 4師妹
抄 Chrissie攻電影
DaDa由模界殺入影壇，除咗家趕拍緊《潮性辦公室》和國產片《宅男總動員》之外，嚟緊會客串賀歲片《最強囍事》，和接拍另外 2套電影。
以新人王價錢近 6位數字接拍 5套電影，再加上寫真、廣告、活動， DaDa近半年密密掘賺過百萬：「 OK嘅，但我唔會亂咁使錢，始終想儲夠首期買樓住。」 DaDa成影壇新貴，上車之路快喇！
留言列表
{{ article.title }}
