07年出道，由《同事三分親》純情便利妹，到成為晶女郎喺《美麗密令》和《 72家租客》大騷 34D咪嘅梁政珏，今年初正式簽下無綫經理人合約，親生女縛足 7年長命約自然落力，上週二（ 5日）拍攝新劇《真相》跳海戲，就算成海垃圾油污，一樣唔用替身， 34D咪咪在海中浮浮吓，最後仲搞到抽筋。
勤力有回報，據知最近連王家衛都中新肉彈，搵佢同新舊 8模 A.Lin和 Jeana一齊拍《一代宗師》，肉彈打詠春，爆呀！
老豆係大律師兼有 5億身家嘅梁政珏，雖然唔憂做，不過依然甘心在無綫捱騾仔，由訓練班做起，喺《同事三分親》做便利妹 May May。不過要數彈起，一定係喺劇集《美麗高解像》同電影《美麗密令》三點式，盡騷 34D本錢，即成宅男新寵。
露黑底
梁政珏自備打底單車褲跳海，準備做足但略嫌跳海姿態欠缺美感。
直擊 梁政珏 跳海
為求做到遇溺效果，梁政珏特登喺水中飲幾啖水，結果搞到肚痛。
呢場講梁政珏跳海，前男友黃浩然相救，黃浩然相當小心盡量貼近梁政珏條頸，免做鹹豬手，可惜搞到梁有少少濁親。
上水抽筋
梁政珏上水後，即覺右腳抽筋，劇務即上前為佢按摩。其間梁更痛到慘叫。
梁政珏有 34D，黃浩然並唔弱，本身有健身教練牌嘅佢，練得一身鋼條身形。
捱咗三年，梁政珏憑驕人身材終獲無綫賞識，成為親生女。
跳海抽筋
感情轉淡
梁政珏同潮牌 Ground-Zero設計師 Eri Chu朱鑫駿拍拖近一年，但據知 Eri出 trip已有兩星期冇同佢聯絡。
唔只拍戲晒身材，梁政珏拍劇亦冇欺場，自從年頭被無綫簽為親生女，簽約 7年，自然更加搏盡，雖然拍親都係邪牌角色又要性感，不過依然冇怨言。
喺新劇《真相》飾演黃浩然前度，早前拍接吻戲狂咀人夫黃浩然後，上週二（ 5日）更有場跳海戲，當日雖然有安排替身代演，不過梁政珏要求自己跳。自言游水幾叻嘅佢，導演一 roll機就跳落去，雖然事前已做足防走光措施，不過 34D迫爆上圍，依然浮上水面。
由於劇情講梁政珏浸親，所以佢喺海中不斷扮遇溺，為求逼真更飲幾啖海水，搞到同場嘅黃浩然上前救命都極之小心，以免被指鹹豬手。由於當日氣溫較凉，所以導演一叫 cut，梁政珏卻突然抽筋，要由在場工作人員拉上水。事後呻：「啲水好鹹，可能飲咗幾啖水，個肚唔舒服。」記者問佢點解唔用替身，佢話：「跳海啫！唔太難！有得做梗係自己做啦！」肉彈真襟撈！
《一代宗師》做歌女
王家衛套《一代宗師》由 02年至今，依然未拍完，不過王大導一向愛用大明星，今次陣容有宋慧喬、章子怡、梁朝偉。但最近王導演除咗梁政珏外，更中 8模 A.Lin同 Jeana，喺戲中飾演歌女，有得拍王大導嘅戲當然開心，但唔知最後會唔會俾人剪走咗啫！問到梁政珏幾時拍《一》，佢就懶神秘：「一切等公司安排，我等 order開工。」
王家衛出名慢工出細貨，由話拍《一代宗師》開始到家甄子丹《葉問 2》都上完，都未完工。
Jeana（上圖）同 A.Lin月中就會去廣州拍《一代宗師》做歌女，唔知套戲上嗰陣見唔見到佢哋呢！
小花搏命
成為無綫親生女（經理人合約）唔只受到力捧，仲有機會攞獎，不過親生女眾多，小花個個搏盡，劇情有需要，一樣瞓身演出，近年以陳法拉喺《有營主婦》露 bra最激，激到被市民投訴。
陳茵媺晒 T-back
08年陳茵媺拍攝《原來愛上賊》，劇中一場色誘疑犯一幕，陳茵媺以熱褲 T-back上陣，貼身吊帶仲令佢隱約凸點。
《有營主婦》
陳法拉露 bra
09年陳法拉喺《有營主婦》劇中在洪天明面前除衫露 bra，即時令網友起哄，廣管局更接獲 26宗投訴。
沈卓盈騷腿
沈卓盈喺《古靈精探》同黃長興大跳鋼管舞，長腿誘惑即成宅男新寵。
留言列表
{{ article.title }}
