小特搜
私家補水
藝人作息唔定時，要以最 sharp示人，除 咗個妝要化得靚、衫要 着得正之外，其實由內補到外都好重要 㗎！今期我 哋就突擊搜查藝人私家水壺，睇吓佢 哋開工醒樣會飲 啲咩 嚟保持最佳狀態。
米雪滋陰補腎
米雪：「我今日帶 咗冬蟲草水同紅棗杞子桂圓茶。冬蟲草真係好補，除 咗滋陰補腎之外，仲對調節人體免疫系統功能有幫助；紅棗杞子桂圓茶就有助安睡，飲多 啲病痛都少 啲！」
米雪姐飲「補品」都打孖上，對保健咁有研究，大家不妨參考一下，咁就「藥箱都變成首飾箱」啦！
冬蟲草水
紅棗杞子桂圓茶
王梓軒補血活氣
王梓軒：「做歌手最重要係把聲，我平時會煲唔同 嘅養聲飲料傍身。今日煲黑豆水，雖然好多人覺得好難飲，但我就好鍾意啦！黑豆可以補血同埋養聲， 啱晒唱歌同練歌前飲。」
嘩！女人就話要補血 啫，估唔到男歌手都要。咁都 啱 嘅，血氣運行 啲，唱歌都夠氣 啲嘛！
黑豆水
陳庭欣養聲至上
陳庭欣：「我平時做主持工作較多，養聲對我 嚟講相對重要，所以爹 哋專登焗 啲參茶俾我養聲。雖然參茶飲落甘甘 哋，但加埋爸爸 嘅愛心，仲用我最鍾意 嘅 Miffy兔仔暖壺裝住，飲落口都甜晒啦！」
陳庭欣咁識賣口乖，陳爸爸日日為阿女整保健飲品都願啦！
人參茶
全站熱搜
留言列表
{{ article.title }}
