據說，科學家愛因斯坦的腦部開發比常人更發達，但唔係人人一生出嚟就係天才，好多都要經過後天的訓練和培養，否則就唔會有咁多奶粉廣告標榜加咗啲咩成分有助腦部發育，坊間亦唔會有咁多研習班教授記憶力大法。想激發大腦潛能，依家有iPhone幫手，由記憶力、IQ題到考反應的Apps都不難搵到，玩住就可以訓練自己，何樂而不為？
撰文：陳若冰 攝影：林資凱 模特兒：Ida
右腦訓練
人的右腦主宰記憶、圖像和音樂方面的思維，甚至有謂右腦蘊藏着人類的潛能。要訓練右腦，原來玩Apps都幫到手。
《IQ字謎》由香港人所創，採用亞洲各地通用的漢字設計題目。
遊戲分容易、正常、困難三級，極具挑戰性。
《神經衰弱（Memory）》不停轉位
「神經衰弱」傳統玩法係憑記憶搵番一對對啤牌出嚟，完局時手上最多牌的玩家為之贏。《神經衰弱（Memory）》玩法有些出入，版面出現9隻或16隻啤牌（視乎難度級別），難度在於啲牌會不停轉位，玩的時候一緊張就會記唔到隻牌移咗去邊。
《IQ字謎》 抽象漢字
程式又名《IQKanji（IQ漢字）》，是由香港公司開發的「漢字藝術拼圖」，玩家要看一幅色彩繽紛的抽象圖案，聯想圖中隱藏的是哪一個漢字。程式分為四級難度，過關後仲有一些Bonus遊戲間場，如速配、對對碰、拼字機等，令玩法更多元化。
左腦訓練
左腦主要負責思考、邏輯、語言等方面，有專家話男人平時用左腦多，女人就用右腦多，想左右腦都發揮更大潛能，就要兩方面都兼顧到。
《Crazy Numbers》 iPhone神算
《Crazy Numbers》介面有點似俄羅斯方塊，一些加或減的數字會由上面跌落嚟，玩家左右移動控制降落的位置，層層遞增，每一行的總和等於零才可消去，考驗玩家的心算速度，還要手眼並用，難度都幾高。
《Sudoku2》 體貼數獨
iPhone數獨Game不計其數，《Sudoku 2》與別不同的地方，除了介面比人靚和容易睇之外，當數字擺錯位時會即刻知道，又或如所有3字已放晒落正確位置，下面選擇欄的3字就會消失；又如當按下格內的其中一個4字，所有4字都會被Highlight出來，功能十分體貼，玩起上來更加方便容易。
急才反應
日常生活唔同讀書上堂，記憶力好、心算快，都未必等於是個醒目仔。想在職場或朋友圈中成為受歡迎的人物，有時候都要有急才同埋反應夠快。
《IQ整蠱》 唔做書蟲
如果你行出街成個蛀書蟲咁款，又成日被整蠱，除咗改變形象，玩《IQ整蠱》都可以幫你變得精靈啲。這款App涉獵天文、地理、歷史、語文、幾何等多個範疇，但許多問題都係你意想唔到的，有些更專登整蠱你，令你有機會答錯。
《拍拍機 BashBash! Lite》 地道街機
有玩過街機的朋友對於「拍拍機」必定唔會陌生，大大台遊戲機上，分別有紅、綠、黃三個掣，每關遊戲都估唔到，簡單講就係要手、眼、腦協調和反應要敏捷。《拍拍機 BashBash! Lite》遊戲就係由街機的拍拍機演變出來，100%地道創作，分外有親切感。
留言列表
{{ article.title }}
