08年傳結婚,09年傳訂婚,到今年張曼玉(Maggie)卻多次傳出同細自己七年的德籍建築師男友Ole Scheeren鬧分手 ,最近更有消息指男方另結任職建築師樓的嫩口新歡,並搬離張曼玉月租20萬的北京愛巢。

拍拖三年,張曼玉息影投入戀情,豪貼私己,家陣46歲先玩雙失,打擊咪話唔大。近日本刊發現佢秘密返港,本身瘦底的她,身形急劇縮水,鎖骨、胸骨暴現,又回復07年失戀時的超級爆炸頭,睇落80磅都冇,情傷令人擔心。

早於年初,已有報道指Ole Scheeren戀上年約30歲的內地著名設計師蔣瓊耳,幸而經過一番努力,張曼玉成功令男友回心轉意,拍拖現身上海觀賞畫展,以行動粉碎情變。

弊在經歷偷食疑雲後,兩人關係大不如前,上月張曼玉出席威尼斯影展,男友亦冇同行,期間當被問到有冇想過生B時,伊人甚為感觸地道:「我錯過好多生仔機會,有段時間可以生,但我唔想要,到想要,身邊人又唔,緣分就係咁。」字裏行間充滿愁緒。

在威尼斯,雖然有劉偉強等多位老友陪伴,但張曼玉全程顯得悶悶不樂,「以前Maggie一去到呢類Party,肯定滿場飛聚舊,但幾日佢唔係匿房,就係自己坐埋一邊飲悶酒,有老友問過佢發生咩事,但佢堅持話冇。」知情人稱。

及至最近,再度爆出張曼玉的情變消息,有指Ole Scheeren戀上年僅廿零的同事,有人於辦公室打情罵悄,且多次被發現於酒店撐腳,流言日漸傳開。紙包唔住火,有指張曼玉曾向男友大興問罪,更有人聲稱目擊Ole攜行李離開愛巢,三年情危危乎!

出名愛得盲目的張曼玉,早於90年代同宋學祺拍拖時已鬧出貼仔風波,及至邂逅Ole,更毋懼年紀相差七年,身份地位懸殊,堅持譜出姊弟戀,從撻之初已不獲外界睇好。

不過張曼玉為箍實男友,不惜放棄拍戲,閒時只靠出席活動賺生活費,全天候做跟得夫人,為讓男友生活舒適,更照顧起居飲食,單係月租20萬人仔的朝陽區建國路ASCOTT beijing愛巢,三年租金加埋已近七百萬。

46歲才陷入人、財兩失困局,唔愁就假,近日張曼玉秘密離開傷心地返港,以往多次被發現掃街邊貨的她,今次跟友人現身中環名店,藉大舉Shopping療情傷。

46歲張曼玉情傷暴瘦 相戀3年男友另結新歡

08年傳結婚,09年傳訂婚,到今年張曼玉(Maggie)卻多次傳出同小自己七年的德國籍建築師男友Ole Scheeren鬧分手,最近更有消息指男方另結任職建築師樓的年輕新歡,並搬離張曼玉月租20萬的北京愛巢。

拍拖三年,張曼玉息影投入戀情,豪貼私房錢,到了46歲才玩雙失,打擊實在大。近日記者發現她秘密返港,本身瘦底的她,身形急劇縮水,鎖骨、胸骨暴現,又回複07年失戀時的超級爆炸頭,十分消瘦,情傷令人擔心。

07失戀頭張曼玉於07年跟玉寶錶前總裁Guillaume Brochard分手時,就係以爆炸頭忘情,今次炸頭重現。

暴瘦現身 Shopping當日,張曼玉身形再大縮水,鎖骨、胸骨清晰可見,隨時連80磅都冇。

屢傳情變姊弟戀不嬲唔樂觀,張曼玉同Ole的年紀仲要相差七年,難怪成日傳出男友另結新歡。

arrow
arrow
    全站熱搜

    stinglife 發表在 痞客邦 留言(0) 人氣()