$80網賣透視相　狂徒賤拍 158名女星 face 週刊 177期 @ 娛樂八掛大放送★

唔可以接受，佢哋啲行為好可恥，我想問佢哋良心何在？真實對白
有超靚身材嘅黎明太樂基兒被台灣成人網站列入港星透視名單， Gaile知道就透過經理人大鬧該網站及表示無奈，咁又係，平日行騷着咁少，冇得揀！《忽然 1周》圖片

近日網上熱傳一條名為「紅外線偷拍跳水冠軍郭晶晶」短片，片長 10分 7秒，拍攝日期有指在 08京奧跳水賽事，見國寶正與吳敏霞及其他國家跳水選手比賽，雖然個個穿上一件頭泳衣好健康，但拍攝者利用紅外線鏡頭，全部選手包括郭晶晶即變全裸，三點透現。
國寶私處失守，估唔到一眾女星亦成為紅外線透視偷拍獵物，網上有成人網站高調將中港台女星出席公開活動照片，利用高科技變成透視裝，最高每張 10美元圖利，連黎明嫂樂基兒同佘詩曼等 158位女星被牽連，據知透視照陸續有嚟，全城女星陷入大恐慌。

利用紅外線科技偷拍國寶郭晶晶短片，最先係「 Thisav.com」網站流出，雖然片長 10分鐘，內容全是京奧跳水比賽內容，但由於除國寶被偷拍，連拍檔吳敏霞亦遭殃，短片上載兩日多，已經吸引近 6萬人瀏覽國寶。

我知道啲偷拍科技唔易防，我哋惟有做多啲預防措施打多件底，不過都要香港同中國政府出手，禁止偷拍先得！真實對白《忽然 1周》圖片

受害國寶
郭晶晶被透視偷拍變全裸，片段清楚見到國寶私處，拍檔吳敏霞（下圖）亦走唔甩，據日本傳媒報道，相信拍攝者喺'08京奧 3米彈板跳水項目偷拍。

霍啟剛發火

國寶被透視，男友霍啟剛即時發火並透過助手表示：「絕對唔可以容忍！」而傳媒亦鋪天蓋地指偷拍者行為可恥，全城圍插透視偷拍，可惜歪風未停，日前台灣有成人網站以女星透視照招徠，偷拍女星公開活動，變成三點盡露照片後，再放上網站圖利，涉及女藝人甚多，章子怡、范冰冰、瑤瑤和蔡依林等無一倖免，而芸芸女星中，以徐熙娣（小 S）叫價最高，一張透視盛惠 10蚊美元（約 80港元）。
據了解，該網站除中台女藝人為透視對象，香港 8女星一樣走唔甩，分別係陳慧琳、陳德蓉（應為台灣女星）、張慧儀、佘詩曼、郭羨妮、周慧敏、李珊珊同樂基兒都榜上有名，最恐怖係港星相冊內顯示為「 Coming soon」，所以女星根本唔知幾時被透視偷拍，雖效果像移花接木或電腦加工，但已極缺德！

中港台齊中招

該成人網站，透視粒粒紅星，雖然港星全是「 coming soon」，但已有網友大力推介，簡直離譜兼缺德！

台灣 142人
代表女星：小 S、蔡依林、瑤瑤、白歆惠

小 S最貴
小 S雖然已為人妻，但話晒係綜藝節目主持紅人，所以喺 158名女星中最貴。

G奶熱賣
再度發育，有 G奶嘅蔡依林，當然係透視偷拍對象，據該網顯示， Jolin係熱賣女星，不過都係唔好益啲衰人啦，齊齊罷買！

香港 8人
代表女星：陳慧琳、郭羨妮、佘詩曼、樂基兒、周慧敏
本刊曾電郵該網站查詢為何偷拍女性，但截稿前仍未回覆。

中國 8人　范冰冰有價
大陸女星以范冰冰最高價 8美元一張，可惜合成技術粗糙，一眼睇出係流嘢！
代表女星：李冰冰、范冰冰、章子怡、鞏俐

梁永鏗律師

可判監 6個月

喺公眾地方未經同意偷拍或攝影他人性部位再公開發放已經觸犯「公眾地方違反體統罪」，可監禁 6個月到數年不等，視乎嚴重程度。

犯法 2,600蚊賤拍裝置

要拍出人體透視效果，基本條件要有一部備有日本出產早期夜視工能的數碼相機，再於鏡頭前加上一塊指定紅外線濾光鏡後，便可有透視效果。而本刊曾到深水埗鴨寮街查詢，結果只需 2,600蚊便買到全套數碼相機及紅外線濾光鏡；而日本仲簡單，只要買塊特別濾光貼紙（右圖），貼在手機的鏡頭前，一樣拍出透視效果。大家唔好試，犯法 o架！

基兒鬧無恥

黎明嫂樂基兒驚悉自己於偷拍名單內，就透過經理人陳善之鬧爆該成人網站，他說：「完全唔可以接受，佢哋啲行為好可恥，因為利用紅外線，我哋藝人根本防不勝防，好多時行騷根本唔可以打底，所以冇得避，我想問佢哋良心何在？」
除藝人，連主持、車模、 show girl都係該網站透視偷拍對象，最離譜係該網站有一個叫「透視掃描服務」，只要電郵一張女性相，網站就會用張相片「透視」由有着衫變全裸。本刊週一電郵至該網站要求訪問和解釋相片來歷，一直未獲回覆；而本刊向警察公共關係科舉報，發言人表示：「如果有受害女星舉報就會盡快處理！」各位女星應站出來譴責狂徒！

Rainbow冒險測試

紅外線偷拍相流出後，女星個個嗌恐怖，為咗證實紅外線偷拍器材係咪咁犀利，本刊搵咗 Rainbow冒險測試，結果成功透視，但效果並冇郭晶晶條片咁清楚，而穿厚墊泳衣就並無透點。其實要防紅外線偷拍相亦唔難，只要着黑色棉質衫就可以防透視，姊妹們聽到都冇咁驚！

我都好驚俾人偷拍！唔知點避，惟有自己小心啲啦！我自己平時着衫都打晒底，着泳衣一定貼乳貼 o架！不過估唔到啲相機咁犀利！真實對白