娛圈要上位唔只要搏仲要捱得，就算你係有錢仔有家底，一樣要捱騾仔。無綫當家小生林峯，父親林華國有廈門李嘉誠之稱、坐擁 20億房地產生意，正宗公子身世，但仍然做足 10年至上位，家陣歌、影、視三線齊上，日日做到冇停手，搞殘身體。
上週四（ 2日）林峯帶病為新劇《花花世界花家姐》開工，硬戴超細頭盔三十多次，搞到舊患復發頸椎移位，本刊直擊整個傷頸過程，仲發現林峯唔只頸椎移位，最慘係鼻樑、下巴嚴重受壓，搞到要蒙面求醫，留醫養和 3日。愛靚唔愛命的林公子慘叫：「我條頸郁唔到呀，好痛呀！」
02年林峯同前女友李彩華拍電影《別戀》，當時有場擋車戲，搞到頸椎移位，事隔八年，上週四戴頭盔拍劇觸傷舊患。
互動片段:林峯頸椎移位實錄
30歲林峯雖有老豆林華國背後照住，不過林峯 98年入行由二打六做起，到近年上位做小生，除咗出名貪靚外，亦出名肯捱。據劇組人員透露：「佢從來對 rundown都冇要求，唔使就佢，開完成晚通宵，第日再接外景都冇問題！」
林峯因頭盔唔啱 size拍攝時觸傷頸椎舊患，不過埋位時即自我按摩，減輕痛楚。
殘峯現形
林峯帶病上陣，臉容憔悴，塊面凹晒！化妝後黑眼圈依然強勁！
上週六（ 4日）林峯瞓完一晚，即表示唔舒服，朋友陪同下入住養和，唞足兩晚。《蘋果日報》圖片
當晚林峯入院，未能出席「勁歌優秀選」，不過亦冇影響佢得獎，梗係啦！親生仔喎！
要威唔想戴頭盔
但肯捱唔代表襟捱，林峯拍劇以來一向出名孱，試過中暑、拗柴又夾傷手，幾乎拍親劇都病。
上週三（ 1日）原本林峯要為《花花世界花家姐》到上環開工，但最後亦因感冒取消。翌日林峯頂硬上為《花》劇開工，當日林峯要扮《烈火戰車》華弟造型，林公子到場後 得悉要戴頭盔極之愕然，更想用 cap帽代替，但最後亦應導演要求。但 roll機前將頭盔戴上頭然後試除，之後即時照鏡，原來林公子最怕除頭盔後，頭髮蓬鬆唔夠靚仔，仲同導演話：「你睇我個頭成 pat嘢呀！」
林峯呻咗兩句，不過都跟足導演要求戴頭盔，可惜唔啱 size，更換過仍然太細，林峯惟有頂硬上，更要劇組人員幫手，硬塞頭盔入頭，只見林峯面容扭曲，筆直鼻樑亦壓至豬膽鼻，下巴亦受壓。
林峯更即場表示：「個頭盔整到個下巴好痛！」。咁辛苦亦頂硬上，不過正式拍攝前再問導演：「係咪有大頭 o架？（係呀！）咁我要剃鬚先！」即時叫助手拿出私人電鬚刨，即場剃鬚，其間化妝師和髮型師亦趁機搵位執靚林峯。
鼻扁晒
林峯夾硬用力將頭盔塞落自己個頭，除咗面容扭曲，其愈來愈高聳嘅筆直鼻樑，亦壓到變豬鼻，好驚險！
傷蝦餃
頭盔唔啱 size，搞到頂住林峯個蝦餃下巴，林峯仲指住下巴同導演講：「頂到下巴好痛呀！」
拍到尾段林峯已覺唔妥，仲即時打去 book揼骨，仲問阿佘去唔去。
8年舊患
林峯 8年前跟李彩華合演電影《別戀》，其中一幕俾車撞，令林峯頸椎及腰椎移位，當時他說：「感覺很痛，身體不斷冒汗。」至今未斷尾。
開工日瞓 4粒鐘
經過 30分鐘美化後，林峯正式戴頭盔埋位，雖然每次 roll機例必照鏡，但埋位後近乎冇 NG，拍攝 4小時間，林峯將超細頭盔又除又戴，前後 30幾次，每次都用雙手出力扯，加上當日氣溫 34度，感冒未清兼日瞓 4粒鐘嘅林峯開始頂唔住，不時自己按摩右頸及右肩，其間更同導演講：「我諗拍完今日要去按摩吓，好痛呀，真係！」之後更問同場拍檔阿佘去唔去一齊按。
拍到最後，林峯開始面有難色，更同劇組呻：「條頸好硬，開始郁唔到，今晚一定要搽雲南白藥呀！」
林峯喺養和休息咗三日，出院後即為《花》劇開工，不過林峯最緊張係個灰色頸箍襯唔襯衫！
林峯戴住頸箍復工，一樣搏盡，由下午 4點半踩到凌晨 1點半先收工。
舊患九成復發
林峯當日除咗拍外景，亦要為廠景開工。結果翌日（上週六）林峯蒙住面入養和睇醫生，休息兩日後，週一（ 6日）即回廠復工，仲要由下午 4點半開到凌晨 1點半。林峯出院後話：「醫生話我第一節頸椎移位，有兩節壓住神經線，鶽家有 90%好番，但有 90%（機會）復發。」死頂出院，林峯更將藍色頸箍換上灰色，仲識講笑話：「我覺得灰色易襯衫好多！」
其實林峯八年前拍電影《別戀》時因一幕被車撞的戲，已令頸椎和腰椎移位，身體開始變差。「真是手尾長，現在我不論站着或坐着，都不能維持太長時間，否則會腰骨痛，要是遇上翻風落雨，舊患又會痛起來，我覺得自己像個老頭兒。」病後初癒的他曾替報章撰文談苦況。
不過愈來愈紅的林峯長年不眠不休， 30歲已五癆七傷， TVB真係收買人命！
林峯出名貪靚，知道有記者守候醫院，即刻襯晒衫先出嚟。
林峯話拍劇戴頭盔觸傷舊患，搞到頸椎移位要戴頸箍，不過點解要遮埋個鼻同下巴呢，唔通佢哋都移位？
超雲迷峯
超雲同皮草太子分手後，即迷上林峯，除咗贊助林峯主演嘅《翡翠明珠》，仲去睇埋林峯嘅演唱會，可惜林峯連手都冇同佢握。《壹週刊》圖片; p$ K" a) d. r# z, E
有傳何超雲>對林峯嗒糖，不過林峯就話：「我同佢講咗 5句嘢咋！（有冇女仔追你呀？）老實講！係有！」
脊醫何應輝：嚴重會死會癱！
頸椎移位係指頸關節出現移位，而阻礙關節活動能力，出現擠壓及刺激脊骨關節周圍的神經系統，會影響神經系統與身體各個部位溝通，令身體自癒能力和功能削弱。
何醫生指出，輕微頸椎移位，可以做脊椎復位及物理治療，一兩次就康復，但如果嚴重嘅，例如第五、六節頸椎壓住中樞神經，就可能會癱；更嚴重嘅，如果第一、二節頸椎壓住中樞神經仲會死添！何醫生話林峯觸傷舊患，之前患處嘅疤痕組織再受破壞，復原能力就更低，將來更易傷。 
林峯貪靚實錄
唔肯戴
聽到導演要求戴頭盔，一向甚緊張自己髮型嘅林峯即刻諗計，諗住搵頂 cap帽頂檔，導演唔畀。梗係啦，劇中叫林峯扮華弟，唔係扮 MC Jin喎。
嫌盔細
剃完鬚，林峯要求執靚個樣同髮型，佢仲話：「唔使整到我太靚 o架，『嘟嘟』哋就啱 o架喇！」口不對心喎。
執靚髮
原本紅色頭盔，可惜唔啱 size，換第 2個依然唔啱，林峯惟有頂硬上，前後除頭盔逾 30次，卒之瀨嘢！
林峯觸傷頸患痛到標冷汗，要用紙巾敷頭吸汗。
放電眼
導演要有 close up，一向青靚白淨林峯為免滿面鬚根，即場剃鬚，仲向在場記者單眼！好彩唔係女記者採訪。反而佢身後嘅 Toby（梁靖琪）就勁 man唔使多補妝。
搵命博
無綫拍劇出名辛苦，當家小生、花旦冇覺瞓平常事。林峯鶽家 3線發展，直頭忙上加忙。今年 3月林峯同時為劇集《不速之約》、兩套電影《翡翠明珠》、《抱抱俏佳人》，仲要為 7月紅館個唱籌備，林峯當時亦表示：「兩日加埋得 4個鐘瞓，仲係搭車瞓咋。」
《翡翠明珠》《蘋果日報》圖片
《抱抱俏佳人》
《不速之約》《蘋果日報》圖片
林峯演唱會 2010《蘋果日報》圖片
孱仔峯
林峯除咗今次頸椎移位入院，其實一向易病、抵抗力差，最經典係 04年出席國金宣傳活動到國金大廈跑樓梯，未跑樓梯前，淨係喺跑步機跑咗四百二十米（約一個標準運動場）已經不支暈低，更要在場救傷隊急救，吸氧氣。
03年︰拍《布衣神相》中暑《蘋果日報》圖片
04年︰國金跑步缺氧暈低《蘋果日報》圖片
08年︰《勁歌金曲》感冒失聲《蘋果日報》圖片
09年︰上海出埠凍病《蘋果日報》圖片
留言列表
{{ article.title }}
