主張自己與囝囝不要結婚、要四圍識多些女伴的卓能集團（0131）主席趙世曾，他並聲言自己最識享受人生，為了要玩得招積，住得舒適，於是將三十多年前用數千萬買下的「趙苑」地皮大興土木，而率先竣工的是他形容為「特種」豪華的泳池。

趙世曾長子趙式浩（Howard）為了與眾同樂，早前的周六，便召集了一班o靚模到豪裝完的泳池遊樂一番。向來以睇女為樂的趙世曾，當日縱有公事纏身，亦聞風即到，為一睹o靚模的風采，座駕未停定已急不及待跳車入屋。

烈日當空下，Q版陳法拉與嫩版林志玲為了觀賞「趙苑」的豪華裝修，不惜用扇來遮擋猛烈的陽光，辛苦晒！

為急見o靚模，車未停定趙世曾已先自行下車，自己擔遮走入大宅。喜愛結交靚女的他，果然名不虛傳，不會放過任何機會。

趙世曾為見o靚模心急如焚，竟連公事包都忘記拎，要由外傭代勞。

〔豪華泳池〕

現年七十三歲的趙世曾最享受有美女在身邊o氹o氹轉，他曾表示絕對不要有固定女友，最好日日新鮮至開心，並聲言女友多達過萬個：「如果《財富雜誌》選全世界最開心嘅人，一定係我！」另外，他對享樂人生亦要求極高。

趙世曾現正籌備出自傳，將自己的快樂人生之道及投資經驗結集成書，不過未推出自傳前，他將會先為其畢生建築心血「趙苑」出書。據知他為建造這個特級豪華的「皇宮」，已投資逾億元，單單是修葺泳池已達數百萬，而泳池的設計更仿效九寨溝的怡人景色，使人置身其中，宛若天天度假。

向來反對兒子專一及結婚的趙世曾，曾表示希望長子趙式浩（Howard）秉承自己的風流個性，女友愈多愈好。早前的一個周六，Howard為與眾同樂，便召集一班o靚模到域多利道「趙苑」的豪華新泳池開派對。

據了解，美白至上的諸葛梓岐，整天躲在屋內與趙式浩玩鬥地主及聊天。

趙家大少趙式浩召集o靚模好友在家開派對，王友良就非常畀面，㩦同諸葛梓岐與兩位o靚模一同出席。

為怕冷落o靚模，歌手王友良親自帶兩位靚女四圍遊覽。

據了解除o靚模以外，當日趙式浩還請了一班大學同學及富豪二代出席活動，品嘗靚紅酒。

〔公主怕曬〕

近期先後為諸葛梓岐（Marie）開路到日本及韓國發展唱歌事業的王友良，就非常畀面，除了帶同諸葛梓岐到場外，另外再帶了「嫩版林志玲」與「Q版陳法拉」一同出席。

據當日在場的o靚模透露，一向美顏至上的諸葛梓岐為怕外面猛烈的陽光，於是整日躲在屋內，而其他o靚模就有如大鄉里出城般四圍望。「Marie最怕曬黑，所以佢只係留喺屋內同Howard傾偈及玩鬥地主，嗰日Marie着咗條超迷你裙，戴咗頂草帽，似足出騷。佢不停向Howard放生電，又同Howard講自己去日本發展有幾勁添！」

閱女無數的趙世曾坦言，最想大仔趙式浩（左）仿效自己經常換女朋友，不要結婚來鎖住自己的生活。

睇見諸葛公主忙於「晒命」，為怕冷落兩個o靚模，王友良就帶她們在「趙苑」遊覽一番。當日室外三十四度高溫，烈日當空，兩位美女用扇及手遮擋太陽，也堅持在「趙苑」捐窿捐罅，務求能細心觀賞這座億萬豪宅。

未幾，閱女無數的趙世曾聞風趕回趙苑，本刊記者發現他急於一睹o靚模的風采，座駕未停定已急步率先落車，平時由工人拿傘開路，這天他竟先自行擔遮入屋，似乎心急如焚。現場o靚模再透露：「當日趙生滿場飛與o靚模們細聲講、大聲笑，好鬼風趣，o氹到啲o靚模眉飛色舞！」原來趙世曾除了寵幸國內佳麗外，對香港o靚模一樣冧爆！