成家班大控訴成龍無良阿嬌刻薄　盧惠光死捱 30年賠十萬壹週刊 1053期－娛樂八掛大放送★

我對外人超好呀！（設計對白）
老公我撐你！（設計對白）"
娛頭
成家班大控訴　成龍無良阿嬌刻薄　盧惠光死捱 30年賠十萬
2010年05月13日
成龍近年集中火力在國內發展，除了將協助他打入荷李活，功不可沒的經理人陳自強炒魷，更指派「龍嫂」林鳳嬌接手出任「成龍影業」及「 JC Group」董事及秘書，沒了後顧之憂。慳家「龍嫂」揸旗後，刻薄成性，去年更大開殺戒，請護法之一盧惠光食「無情雞」。
原來，跟隨成龍三十年的盧惠光，最終只獲十萬元賠償，而「沙士」期間被無故辭退的另一貼身助手段偉倫替成家班出頭，直斥成龍是無良僱主，對兄弟無情無義。
好友打救
去年九月被成龍炒魷後，現年五十歲，跟前妻黎淑賢離婚的盧惠光，一直賦閒在家無着落，連揸了十幾年的舊車亦「打埋柴」，幸有相識多年，知道他財困的有錢好友出手幫忙，送他一部二手平治四驅車，方便接送十一歲及五歲兒子出入。
盧惠光視成龍為好兄弟，多年來仆心仆命，超時工作冇假期，甚至連前妻黎淑賢待產生第一個兒子時，亦可以因成龍一個電話置之不理，卻突然被無理解僱，傷心兼徬徨。

03年被炒後，段偉倫表示好彩有朋友教做貿易生意，加上做新車買賣，不致於冇飯開。

林鳳嬌揸旗後，重新制訂員工手冊，新制度全部以慳錢出發，令員工無癮。

失業半年的盧惠光平日接送新女友返工放工外，也會揸車載女友到公園談心，慳住拍拖。
阿嬌揸旗
離婚後，盧惠光做帶子洪郎，不時帶住大仔睇首映。

「大哥（成龍）同光仔解釋賠得咁少，係嬌姐（林鳳嬌）嘅主意，佢都話唔到事，光仔一直對大哥好忠心，大哥咁對佢，簡直當佢係傻仔。其實當日同 Bonnie（黎淑賢）離婚，唔多唔少都係因為大哥，只要佢喺香港，就叫光仔陪佢，凌晨三、四點先放光仔返屋企，一個女人成日冇老公喺身邊，又要睇住兩個仔，仲要咁多年嚟人工得兩萬幾，光仔冇出過聲，但做女人嘅都覺得冇前途！」盧惠光身邊人透露。
過去兩個星期，記者發現失業超過半年的盧惠光，大部分時間留在家中，日常除揸車接送女友返工放工或到公園傾偈，便是到黃埔寓所附近的博藝會做運動健身。上週一（五月三日）黃昏，他與女友到黃埔 UA睇完戲，之後步行回家，未有下場。
賠唔足

盧惠光早於 1980年投靠成龍，侍主多年來仆心仆命，唔單只大時大節要陪老闆，就連老婆臨盆咁大件事，老闆一個電話都要丟低老婆趕去。
捱生捱死三十年，去年在毫無通知下突然遭解僱，按本港現行勞工法例計算，為僱主服務超過五年，均可獲得長期服務金，計算方法是月薪三分二再乘以服務年資；依盧惠光當時月薪約 25,000元計算，應可拿到五十萬的長期服務金，扣除強積金的僱主供款，最少起碼仍可拿到三十萬元。盧惠光只收得十萬，足足唔見一大截。
失業半年

向來唔鍾意嘥食物的成龍，在拍戲現場，將食剩的飯盒給盧惠光，盧惠光亦乖乖將成盒飯食乾淨。（《忽然 1周》圖片）

對於計計埋埋唔夠十萬遣散費，盧惠光坦承確有其事：「我都唔知點解會俾人炒，而家等你哋（記者）幫我平反，我諗天見到呢件事都會流眼淚，三十年就換嚟呢十萬，何止自己唔相信，就連身邊所有朋友都唔信係事實，呢十萬咪夠供幾個月樓囉。（有冇諗過要追討？）我要搵朋友研究吓，睇吓係咪可以搵勞工處幫手。」失業七個月仍未搵到新工，盧惠光慶幸有真正的大哥大找他幫手拍廣告：「洪金寶搵過我做嘢，都唔係你哋想像咁差，好彩仲有好多朋友錫住我，遲啲應該會有嘢做。」
抑鬱睇醫生
成龍對效忠三十年盧惠光無情無義，據知，對一手推他成為國際巨星的陳自強更加絕情。二人合作三十七年，兩年前被迫離開 JC Group的陳自強抑鬱成病，提起成龍，每次酒醉後都喊到收唔到聲。
「 Willie（陳自強）隔咗咁耐都放唔低（被炒），今時今日佢老人家已經唔係為錢，只係想好落台，佢之前個肺做過手術，而家又鬱住成日要睇醫生，大家都好擔心佢健康。阿嬌揸旗之後，乜都要慳，啲同事覺得公司好刻薄，每日要打卡兩次，遲到一分鐘扣五蚊，乜嘢都話要填表，搭的士又話要事先批準，遲啲離開公司都話唔得，因為要慳電費，大家都做得好唔開心。」陳自強身邊人透露。

09年 6月，當時仍然打成龍工的盧惠光仆心仆命，不單做司機揸車到機場接機，更做埋咕哩幫手攞行李。（《忽然 1周》圖片）

盧惠光跟前妻黎淑賢 99年補擺結婚酒，不過二人在 06年離婚，現在由盧惠光照顧兩個兒子。

成龍跟陳自強情如父子，成龍 95年拍戲受傷，由陳自強推住輪椅見記者。

命途各異

當年洪金寶旗下的洪家班及成龍的成家班，是影圈聲勢最浩大的武師班底；不過事隔多年，兩個班底成員出路各異，令人欷歔。

洪家班
洪金寶統領的洪家班，旗下有元華、林正英、元彪、錢小豪、錢家樂和黃錦燊等，能夠人才輩出，有賴於三毛不斷給予機會，只要是有潛質，他都會嘗試讓他們擔正。

成家班
相對洪家班，當年的成家班更不輸蝕，加上成龍以亡命演出為包裝，做替身的成家班兄弟，受傷是家常便飯，可是多年下來，能夠上位擔正的幾近零，助手段偉倫入行多年，王晶找他拍戲多個老闆成龍，至於盧惠光的演出機會亦少，加上經常要陪成龍出入，因而推卻不少片約，失去上位機會。
年初一拜山
由成龍帶頭搵食的成家班，前後經歷三代，最後一代包括段偉倫、張耀宗等十二人亦名存實亡，因為成龍一直得把口，從未真正出手提攜，其中有人轉行揸巴士，有做電影剪接，全部自食其力。○三年「沙士」期間，成龍以「大個仔出去搵食」遭炒魷的段偉倫，月薪只有萬多元，遣散費十四萬，他踢爆成龍「明恰」兄弟讀書少唔識字。
「當日要即刻搵第二份工，邊度得閒同佢斤斤計較，如果要計，我哋從來冇假期，冇 OT，佢係咪計番俾我哋，光仔離婚都係關佢事，佢要人陪到咁夜，年三十晚唔可以返屋企食飯，年初一又要啲兄弟陪佢去拜山，唔去就黑面。當日佢公開講話有佢成龍一日，就有段偉倫同盧惠光，點解咁對我哋？就算成家班兄弟，佢都冇乜俾機會，佢驚我哋紅咗會走，所以好少搵自己人拍戲，好多兄弟都有怨氣。」

2000年成龍生日飲醉酒，由錢家樂及當時仍在身邊的段偉倫（左一），扶住離開生日派對。（《蘋果日報》圖片）

成龍通常有司機唔用，鍾意自己揸車出入。

成龍近年孭飛的電影票房麻麻，由他和王力宏主演的《大兵小將》在香港只收百多萬。

因為兒子房祖名入咗娛樂圈，本來低調的林鳳嬌亦因要撐兒子而頻頻出席公開場合。（《蘋果日報》圖片）

救成龍一命
一肚怨氣，段偉倫愈講愈㷫。
「佢試過飲醉酒揸車返屋企，喺屋企樓下瞓着咗唔識落車，吸咗好多一氧化碳，我當時等唔到電話，揸車去淺水灣屋企搵佢，咁樣救咗佢一命，佢事後喺電台多謝我。我同光仔講，咪當自己係超級伙記一直戇居囉！但覺得佢對 Willie好無良，我呢兩年都不斷開解佢，叫佢唔好當成龍係兄弟，當係賓主關係，咁樣舒服好多。」
大「慈善」家
熱心公益的成龍大哥，於 1988年成立成龍慈善基金及龍的心基金，經常充當善長仁翁，高調參與各項籌款活動， 06年更當選「十大慈善之星」，做善事唔手軟，但對多年出生入死的兄弟，成龍卻兩種態度，表裡不一。

成龍林鳳橋被指無良刻薄成家班大控訴

成龍林鳳橋
成龍近年集中火力在內地發展，除了將協助他打入好萊塢、功不可沒的經理人炒了鱿魚，更指派“龍嫂”林鳳嬌接手出任“成龍影業”及“JC Group”董事及秘書，沒了後顧之憂。出名節省的林鳳嬌入主後刻薄成性，去年更大開殺戒，無情的趕走成龍的護法之一盧惠光。

原來，跟隨成龍三十年的盧惠光，最終只獲十萬元賠償，而03年SARS期間被無故辭退的另一貼身助手段偉倫替成家班出頭，直斥成龍是無良雇主，對兄弟無情無義。