錄影期間，三個女人突然話好熱，叫校草Kyle除衫，長腳蟹呂慧儀仲用把尺伸埋入Kyle件背心入面，認真鬼馬！

U SPY 繼《FACE》U Star校花上完《三個女人一個墟》，今次節目請埋一班我哋嘅U草做嘉賓，暫定6月中播。未入錄廠前，校草喺化妝間出面做掌上壓熱身，諗住入廠谷行胸見主持，咁啱卓韻芝經過，校草即刻醒水圍住佢做掌上壓，睇到阿芝「嘩嘩聲」！

 
入廠錄影時，三個女主持流晒口水，話要逐個校草檢查校服，先叫理大男神Kyle除衫，之後阿芝見到浸大方力申（溫冠麟）又勁舉手話鍾意對方，又話佢仲正過方力申，Spy八到唔只阿芝like肥麟，金牌經理人Paco（黃柏高）都睇中佢，簽佢做旗下model，遲啲仲有機會拍戲添！真係羨慕死Spy！

Paco簽肥麟
據知Paco簽肥麟3年，但佢同Spy講：「暑假我要去美國迪士尼實習，返來先會同對方傾細節！」喺上年U Star決賽騷肥麟（黃圈）又跳得又有口才，俾Paco睇中都好正路啫！

U SPY：
校園至爆猛料，U Spy一定睇實。 ####

 


班U草一早收到風可能會被揸胸，喺化妝間出面做定掌上壓、準備谷行胸肌，點知咁啱撞正阿芝，即場擺pose影番張跪拜女神大合照先！

arrow
arrow
    全站熱搜

    stacylife 發表在 痞客邦 留言(0) 人氣()

    E-mail轉寄