驚青閉關 3個月張栢芝生仔啪丸防念珠菌忽然1周 772期－娛樂八掛大放送★

07年栢芝懷 Lucas時大方任影唔嬲（圖），但今次就十分緊張，產前 3個月直情唔見影，入院亦神不知鬼不覺，據拉姑透露，栢芝是坐一部陌生車輛，故成功避過駐紥多時的傳媒耳目。"
封面故事
驚青閉關 3個月　栢芝生仔啪丸防念珠菌
2010年05月14日
張栢芝臨盆前數天，謝家上下就剖腹吉日輪流放流料，連日來大批記者日接夜在其大宅外守候，本周三（ 12日）晚亥時（ 9時至 11時）栢芝終於順利開刀誕下 7磅 7麟兒，為 Lucas添個肥白細佬。
曾經歷兩度小產的栢芝，對於今次再成功懷孕，顯得格外小心，三個多月前已經足不出戶閉關養胎。栢芝曾與本刊記者作獨家訪問，表示為了令腹中胎兒健健康康，搜羅坊間安胎食療方法，她說：「懷孕前已經食定葉酸……懷孕期間更會食 Omega 3（奧米加魚油）去防止下體出現念珠菌。」據知栢芝產後更會遵從奶奶拉姑精心炮製的坐月餐單，務求在短時間內調理好身體，再為謝家繼續造人。

柏芝秘密入院剖腹生仔

拉姑宣布 7.7磅細孫出世

張栢芝遵照一早擇好的吉時，本周三（ 12日）晚於養和醫院順利剖腹誕下 7磅 7兒子。在開刀前四小時，霆鋒已帶同兒子 Lucas率先到達醫院做好準備。由於現場早有近百名記者駐紥，被重重包圍的霆鋒要花了近兩分鐘才成功入到醫院大堂。
約半小時後，拉姑和四哥謝賢亦分別殺到。心急等待謝家第二個孫仔出世的拉姑，明顯心情大靚，上樓前對住記者笑說：「多謝晒，辛苦晒，多謝大家對我哋謝家嘅喜事咁關心。」
據知事前為了揀最好時辰，栢芝曾託拉姑分別找來三位風水師俾意見，拉姑對此亦說：「擇日梗係唔係我決定啦，佢啲飲食大權先至由我負責 o架！」
至晚上 10時 20分，拉姑和四哥一起下樓向記者交代栢芝母子平安。拉姑興奮地提高聲線率先開腔：「我哋謝家第二個孫出世啦，好開心呀！」當時四哥邊手持 DV機拍低在場訪問情況，邊說：「梗係男孫嚟啦！」拉姑跟着說：「 7磅 7，母子平安！（霆鋒係咪陪入產房剪臍帶？）應該係呀！（栢芝幾時生？） 6點幾就準備， 8點 45分推入產房，總之係好時辰啦！」被問到 BB有否改名？拉姑說：「等佢沖完涼，睇吓似邊個至去諗，不過英文名就諗咗幾個去揀！」四哥還表示以英文問過 Lucas：「 You like your brother?」 Lucas答：「 Yes!」之後拉姑和四哥再逗留近半小時才離開醫院，至於霆鋒則留低整晚陪老婆。

本周三謝家上下陪產
下午 4時，謝霆鋒抱住兒子 Lucas率先抵達養和，準備陪栢芝產子。霆鋒更入埋產房，為細仔剪臍帶，實行在栢芝剖腹時全程陪住老婆。

由於霆鋒到場時被記者鏡頭重重包圍，原本唔怕閃光燈的 Lucas亦緊張到伏在老竇膊頭。

至晚上 10時 20分，拉姑、四哥笑到四萬咁口一同向記者交代栢芝情況。拉姑先拍掌後拱手，十分興奮，而四哥則拿住 DV機四周拍攝墟冚情況。

Lucas等媽咪誕下細佬後，就由菲傭陪同下返回舂坎角寓所，他離開時表現雀躍，不停拍打車門。

懷孕前食葉酸

本周二（ 11日），栢芝已經身在養和醫院等開刀，當晚 9時許，霆鋒離開醫院後到好友葉佩雯和 Eric Kwok位於渣甸山的寓所傾談近 3小時。

在 Lucas出世之後，栢芝 08年先後受過兩次小產折磨，今次能再懷胎，她不容有失。為了確保腹中塊肉健康成長，栢芝坦言有獨門秘方，她曾對本刊透露自己懷孕前後的調理心得：「以前自己身體好弱，所以懷孕前，已經每日食定有葉酸成分嘅維他命丸來調理身體，到懷孕時再食 Omega 3去防止下體出現念珠菌。」
木瓜魚湯谷奶水

周二，葉佩雯在微博上亦有為快將產子的栢芝打氣，叫她：「加油！」

栢芝又提及產後最佳的修身法就是餵哺人奶，她除了自動自覺在飲食方面攝取多些蛋白質之外，拉姑為她炮製的坐月餐單之中，亦有專為增強媽咪奶水的木瓜魚湯，不過拉姑就指定用營養較豐富的青色木瓜。日前拉姑還對記者說：「產後最緊要就梗係飲多啲湯水調理身體啦，其實我有煲定薑醋俾栢芝，不過因為佢係開刀，所以唔可以咁快食。另外我仲請人再煲大量薑醋送俾啲朋友㖭！」
家姐代湊 Lucas
自從今年 1月尾，栢芝與霆鋒外出睇完電影《阿凡達》 4D版後。就一直閉關，寸步不離赤柱舂坎角大宅，養胎期間亦相當謹慎，甚少抱愛子 Lucas，所有照顧 Lucas和湊他返學放學的重任，全交由同母異父的家姐戴碧芝負責，另外更要求傭人隔日消毒家中傢俬和雜物，防止細菌感染。
記者近月發現戴碧芝經常帶埋女兒到舂坎角陪 Lucas玩，只見 Lucas和戴碧芝女兒在露台跳來跳去，反而大肚婆栢芝就連出露台吸啖新鮮空氣都沒有，緊張程度相比起她 07年懷有 Lucas照常外出四圍去，明顯誇張很多。

家姐貼身照顧 Lucas
在栢芝足不出戶的數月間，其姊戴碧芝就充當照顧 Lucas的職責，每日帶住謝家傭人（右一）接送 Lucas及自己女兒返學放學（右圖）。

表姊弟露台玩到癲
據記者觀察所得，栢芝舂坎角大宅雖然有個大露台，但從未見過大肚栢芝出外唞唞新鮮空氣或散步。反而間中會見 Lucas和戴碧芝女兒，在兩張藍綠麻雀枱之間跑跑跳跳，身旁就只有傭人睇實呢對表弟妹。

謝家輪流放流料

栢芝 07年懷 Lucas時雖然都十分小心，但腹大便便依然經常外出，本刊就曾拍得她到中環睇牙醫。

在栢芝臨盆前個多星期開始，大批傳媒已連日守候在舂坎角大宅門外。謝家為了栢芝在入院當日避過傳媒耳目，事前謝家上下更夾埋輪流放流料。最初是謝賢自爆新抱仔 5月 10日生得，之後又改口是母親節當日（ 9日）開刀，另一邊廂謝婷婷又說是 14日。
本周二（ 11日），拉姑和老公鬍鬚 Kong在置地嘆茶時，被問到栢芝是何時入院？拉姑又忽然故弄玄虛：「佢入咗院成個月 o架啦，如果唔係咁貴，仲會住多一個月㖭！」不過當拉姑去完養和後，又改口風，對記者表示栢芝是母親節當晚坐一架陌生車輛離開大宅，再到拉姑曉廬寓所，留宿兩晚才直接抵達醫院。明顯謝家以多個不同版本混淆傳媒視線。
秘道上 28樓豪華房
據一位養和醫院職員透露，栢芝其實一早預定了醫院 28樓的最大面積的豪華套房，在母親節當晚從秘道入院，經由 7號直上 28樓婦產病房樓層。「栢芝未入院之前， 28樓原本都係可以自出自入暢通無阻，不過栢芝一入到嚟，護士就變得好警覺，好有戒備，凡見到任何人都會問佢搵邊個房？探邊位病人？」
而一位剛在 28樓分娩的孕婦則表示栢芝入住後，對其他病人少不免造成不便。「 9號母親節嗰晚醫院啲職員好緊張，好似有好大件事發生咁，原來係栢芝嚟咗，之後就連嗰層樓嘅玻璃門都鎖住。而喺 11日嗰日，仲見到 Lucas喺病房走廊踩住架單車，竟然冇姑娘阻止佢，只係見 Lucas身邊有兩個菲傭同一位身形高大，着黑衫牛仔褲嘅男人睇住。」
謝家上下為了這位細孫的誕生，可謂勞心勞力大費周章，如今母子平安，相信各人都會鬆一口氣。

親戚好友輪流探
周三晚上 9時，謝婷婷與男友安志杰以黑色背心情侶裝到醫院，婷婷還手持一束鮮花慰問阿嫂。

霆鋒經理人 Mani在病房逗留 1小時便離去，問到栢芝情況，她說：「等爺爺嫲嫲講啦！」

霆鋒好友 Eric Kwok和葉佩雯於晚上 7時許前後腳到醫院。

豪龍和柏文兩兄弟探完栢芝和小姨甥仔之後，一同乘的士離去。

孕婦易感染念珠菌

婦產科醫生郭志偉表示懷孕婦女因為陰道分泌較多，加上抵抗力較弱，所以非常容易有念珠菌，導致陰道炎。 07年張栢芝佗 Lucas時，對本刊記者表示自己懷孕後進食 Omega 3（奧米加魚油）去抑制念珠菌。郭志偉醫生表示：「都幫到嘅，但現時未有正式數據指 Omega3可以直接殺死念珠菌，佢本身係一種魚肝油，好有營養，非常建議孕婦食。但去防止或減少念珠菌，我哋通常會用藥丸塞陰道嘅方法，唔會對 BB同媽咪有害。」
孕婦匿屋企易抑鬱
郭醫生亦建議孕婦臨盆要保持適當戶外運動，不要長留家中，他表示：「因為丈夫返工，孕婦成日匿喺屋企，就容易唔開心，有機會演變成產前抑鬱，所以最好喺有人陪同下，每日出外喺平地散步或者 shopping，藉此保持身心愉快。」
孕婦亦要喺懷孕前開始吸收葉酸，食到 BB十二周至可以停，因為呢段時間係 BB嘅腦部發展非常重要時期。
栢芝坐月餐單

早餐︰青木瓜魚湯/雞絲燕窩粥
午餐︰冬蟲草花膠雪耳湯/瑤柱雞件蒸飯/富士溫室蘋果一個
晚餐︰瘦肉五穀米飯、炒菜心一碟、鮑魚燉竹絲雞湯
日常飲用︰每天兩杯高鈣奶、牛肉茶及龍眼水交替飲用。
三十萬埋單
張栢芝選擇在有「富豪醫院」之稱的養和醫院分娩，她所住是早前剛裝修過，位於 28樓的 Deluxe Corner suite豪華套房，面積約八百呎，有廚房、厠所、客廳，還有 50呎高清電視，每晚收費 1萬元。而栢芝選用了六日五夜套餐，單是住院費已達六萬元，再加埋醫生、麻醉費雜項及保安等費用，埋單三十萬走唔甩。

栢芝入住的 28樓豪華套房設有偌大客飯廳， 50吋電視等。倘若住客百無聊賴，更可使用房內附設的小電腦（右圖），玩遊戲及瀏覽醫院的各類資料，而病牀側還可開一張牀，方便家人親友過夜。

病房內的洗手間具有五星級酒店水準，據知早前徐淑敏產女亦住過這間房。

日前記者亦到過養和醫院 28樓，由於當時栢芝還未入住，職員明顯戒備放鬆。栢芝所住的「 2833」號房間位置在樓層盡頭。

住其他病房的產婦和親友要事先按鐘要求，才能隔住玻璃睇 BB。不過栢芝所住的豪華房服務，則可隨時要求護士抱 BB到房內。

護士工作間及詢問處設於門對出位置。當栢芝入住後，此樓層的玻璃大門更長期上鎖，方便查問訪客身份。
醫院收費

栢芝深居簡出
栢芝去年被查小欣在網上大爆先後流產兩次，難怪她今次再懷孕，更加緊張及小心，刻意深居簡出養好個胎，就算間中外出被記者發現，她都十分驚青。

懷孕 3個月蒙頭避鏡頭
去年 10月，本刊率先拍得懷胎 3個月的栢芝，當時她驚恐扯衫掩肚，怕腹中胎兒小器。

懷胎 4月戴口罩
去年 11月，栢芝罕有再外出，當時已腹部隆起的她，戴口罩防菌，外出買完麥當勞食品後，便急急腳返家。

懷胎 6月睇戲
今年 1月尾，電影《阿凡達》叫好叫座，心野的栢芝忍唔住要老公陪睇 4D版，因而被記者拍得罕有的大肚照。《蘋果日報》圖片

玄學家： BB亥時出世旺老竇

07年栢芝誕下 6磅 8的 Lucas，並舉行百日宴，當時 Lucas亦是擇日開刀。

張栢芝擇 5月 12日開刀產子，玄學家吳佩孚表示此日出世的 BB，將會繼承父母的優良傳統做明星。「 5月 12日係魁罡日。呢日出世嘅 BB命硬，脾氣唔好，不過有藝術細胞，適合從事演藝行業。佢同父母嘅命格刑沖，與父母嘅關係唔係咁好，經常嗌交。而且 BB會增強老竇嘅桃花運，好的是旺父親事業，壞的亦會令父母身邊出現第三者，建議幫 BB搵幾個契媽上契，可以化解。」
至於另一位堪輿學家陳駿亦指：「呢個時辰（亥時），生女會好過生仔，生女會嫁有錢人，生仔就只屬於典型有錢佬下一代命格，一生無憂，五行屬水，可以食演藝界呢行飯。 BB旺老竇，會令霆鋒事業更上一層樓。」

張柏芝生子豪花30萬謝霆鋒帶Lucas入房陪産

謝霆鋒帶Lucas入房陪産
張柏芝再産子，鬧得全城哄動，大夥記者上星期起，已24小時全天候守候于謝家的春坎角寓所，不過最終張柏芝亦能逃過所有記者的法眼，順利潛入養和醫院剖腹産子，原來這次的“調虎離山計”，是張柏芝自己想出，可能汲取上一胎Lucas的經驗，張柏芝才能定下萬全之策。

而張柏芝又豈是孤軍作戰，除有謝家上下全力配合之余，老公謝霆鋒及愛兒Lucas亦有到産房陪伴左右，爲張柏芝打下一枝強心針。

而張柏芝這次由資深婦産科醫生梁淑德接生，該院最高級的私家病房六日五夜收費約六萬元，而擇吉日産子會額外加費三萬多元，據估計本次張柏芝單是住院費就花逾十幾萬港元，加上手術分娩費及兒科費等，合共花了接近30萬港元。