3:15am冇面見人
警覺性甚高的杜宇航，凌晨3點幾仍全程以手當口罩遮面，不過單睇眉目就認得佢啦！當同行友人離開後，才與身邊的女伴拖手夜遊。原來外表斯文內斂的杜宇航，原來鍾意呢類北方佳麗！而後面店鋪的大閘，仲有姜文的手表廣告，姜文都嵋實你，點揞都冇用啦

尖東扒房 以習武打出名堂的杜宇航，未出道前為香港武術隊運動員，更曾為08年北京奧運以運動員身份代表香港傳聖火，之後又挾葉準徒孫殺入娛樂圈拍《葉問前傳》，形象夠正面。
不過外表正氣的杜宇航，原來亦難敵溫柔鄉。上月尾（26日）本刊深宵目擊杜宇航與一名國產艷女喺尖沙咀街頭火辣纏綿，而據知原來杜宇航私底下亦愛蒲愛溝女，其師傅冼國林都話：「管唔到佢咁多！」

 
自細開始習武的杜宇航，因功夫了得而被睇中加入娛樂圈，由當年香港第一位最年輕（18歲）武術冠軍變成新一代功夫演員，一直以來形象健康鮮有緋聞。不過本刊於上月尾（26日）見杜宇航和男友人與兩名打扮性感、國產味濃的艷女，在尖沙咀街頭調情，其間杜更顯得十分鬼祟，全程用手掩住半邊臉怕俾人認出。

有錢女友甩拖
據熟悉杜宇航的友人透露，其實杜甚愛夜生活。「唔好睇佢平時斯斯文文，其實佢都幾爛蒲，早排佢同咗個有錢女人一齊，佢收得好密，收斂咗少啲出去玩，不過聽聞早排甩咗拖，所以最近再出動番。佢平時玩得好小心，驚被人知道傳番落師傅度。話晒佢習武之人，其實唔可以成日蒲，咁樣玩法傷身嘛！」上週五（11日）本刊致電杜宇航師傅冼國林，問他對於徒弟拖艷女一事，冼師傅說：「管唔到佢咁多喇，好似做老豆都理唔到個仔咁多嘢啦！（佢女友嚟㗎？係咪拍拖呀？）我好耐冇見過佢拍拖，正常交往都係好嘅，我從來唔會反對佢拍拖！」冼師傅夠開明，真係女友嘅，咪帶畀師傅見吓囉！

轉型做打星
31歲的杜宇航，6歲開始習武，精通拳法、劍術、刀棍、詠春等，曾於多個比賽中奪冠，亦為香港最年輕武術冠軍及本港首位奪得東亞運金牌的運動員，07年加入娛樂圈，由運動員轉型為武術演員。 ####

 


2:40am力抱女伴杜宇航玩得低調，反而佢位同伴就high好多，將另一國產女成個抽起。


2:50am熱情胸壓喺杜宇航同友人傾偈期間，低胸熱褲打扮的國產艷女，不時用胸頂杜宇航的手踭，態度親暱，而杜宇航亦睇落好受落，「一代宗師」終歸都係男人。


3:30am後巷嘔吐杜宇航自己就話有武術底啫，話晒女伴始終只係一介女流，不勝酒力都好正常，女伴行咗冇耐就喺後巷嘔，而杜宇航只企埋一邊袖手旁觀，唔多gentleman喎！


劈場酒吧當晚杜宇航同友人及兩女伴就喺尖沙咀赫德道呢間M1酒吧，算係區內大型「劈場」酒吧，亦有不少band騷或打碟活動舉行。


傳過聖火 08年北京奧運，杜宇航亦有份以運動員身份，做香港站其中一位火炬手傳聖火。


孖住搵銀與師妹陳嘉桓同為葉準徒孫，亦是冼國林旗下藝人，二人經常孖住出活動。

arrow
arrow
    全站熱搜
    創作者介紹
    創作者 stinglife 的頭像
    stinglife

    娛樂八掛大放送★

    stacylife 發表在 痞客邦 留言(0) 人氣()

    E-mail轉寄